Mt 22:40 - Chuj San Sebastian Bible

⁴⁰ Toto tzqui yiclj chab' checnb'il tic, tzyal 'el'chi, wan qui yiclni sley Dios smasnil, yet' jantcn̈ej tas tz'ib'b'il can yuj eb' schecab', xchi 'a winac.

Chuj San Mateo Bible

⁴⁰ Tato sco c'anab'ajej chab' checnab'il tic, syalelc'ochi, van co c'anab'ajan sley Dios smasanil yed' jantacn̈ej tas tz'ib'yajcan yuj eb' schecab', xchi Jesús d'a vin̈.

Mt 22:40 Referans Kwoze

Ro 13:9

'Ay jun tzo'n̈ checnb'il tzyal 'ixtic: Man̈ e b'o 'ajmulal. Man̈ ex milwoc cham 'anma'. Man̈ ex 'elc'woc. [Man̈ eya'ch 'es 'a yib'n̈ eb' eyit 'anma'il.] Man̈ e nib'c 'och junc tas, xchi. 'Ayt pax jun tzo'n̈ xo checnb'il. Palta 'ay junx checnb'il colb'il tz'och sjelc jun tzo'n̈ tic smasnil, tzyal 'ixtic: Chamc'ojlejc eb' eyit 'anma'il, 'icha wal tzeyutj eya'iln e b'a junjn ex, xchi.

Mt 7:12

Toto tze nib'j caw wach' tzyutj sb'a eb' eyit 'anmal 'ayex, wach' pax tzeyutj e b'a 'a eb'. Yujto 'ixta tzyal 'el'ch jun tzo'n̈ ley yic Moisés 'aycni, yet' jun tzo'n̈ Ch'an̈ Un̈ tzi'b'b'il can yuj eb' schecb' Dios pecti'.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Santiago 2:8

Palta 'ay jun sley qui Reylec, tz'ib'b'il can 'a Ch'an̈ U'un̈, ata tzyal 'ixtic: Chamc'ojlejc eyit 'anma'il, 'icha tzeyutj eya'iln e b'a junjn ex, xchi. Toto tzqui yiclj tas tzyal sley tic, caw wach' tzcutjec qui b'a.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

Gl 5:14

Jantcn̈ej tas 'ay 'a ley yic Moisés, c'uxn tzcheclj 'el yuj jun checnb'il 'oj wal tic: Tzlaj e chamc'ojloc eyit 'anma'il, 'icha tzeyutj eya'iln e b'a junjn ex, xchi.