Mt 22:4 - Chuj San Sebastian Bible

⁴ Yuj cha, xyaln win 'ixtc 'a jun tzo'n̈ xo ewin schecab': 'Ixquec, 'at alc 'a eb' 'awtb'il cot xon wuj cha, to lista xo yaj tas tzc'ux eb' 'a tic. Tox 'ix wac' milxoc jun tzo'n̈ wacax, yet' jun tzo'n̈ xo noc' b'a'ch yajx servil, caw lista xo yaj smasnil ticnec. 'At alc 'a eb', to tzcot eb' mu'c 'a jun nupnel tic, xchi win rey chi 'a ewinac.

Chuj San Mateo Bible

⁴ Yuj chi', ix yalanxi vin̈ d'a juntzan̈xo eb' schecab': Ixiquec, b'at alec d'a eb' avtab'il chi' vuuj to vach'xo yaj tas ol sva eb' vuj d'a tic. To ix vac' miljoc juntzan̈ noc' vacax yed' juntzan̈xo noc' noc' b'aq'uech yac'ji servil. Listaxo yaj smasanil ticnaic. Yuj chi', ixiquec, alec d'a eb' to elan̈chamel scot eb' d'a jun nupnajel tic, xchi vin̈ rey chi' d'a eb'.

Mt 22:4 Referans Kwoze

A Tas Sc'ulejnac Eb' Schecab' Jesús Hechos 13:46

Yuj cha, 'ix ste'wtzan sb'a Pablo chi yet' Bernabé. 'Ix yaln eb' 'ixtic: —Yowlal a 'ayx quit israelal tzqui b'ab'l alj 'el spaxti Dios on̈. Palta 'in matz e nib'j tzeya'ch e c'ojl 'a 'a. Am tze na'a, to man̈ smojc tze chaj e q'uinl 'a jun 'ejmn̈ej. Yuj cha, a ticnec, 'oj cal-l jun 'ab'x tic 'a eb' man̈ israeloc on̈.

Mt 21:36

Ax win 'aj lum cha, xchecn 'at win jun tzo'n̈ xo eb' schecab'. Niwn xo eb' x'ati. Palta lajn xyutj ewin eb' 'icha eb' xb'ab'l c'och cha.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

Lc 14:17

Ax yic xc'och hora yoch jun wal cha, 'ix schecn 'at win jun smoso 'at yal 'ixtc 'a eb' 'awtb'il cot yuj cha: 'Ixquec, xc'och hora yoch wa'el, caw lista xo yaji, xchi 'a eb'.

Mt 22:8

Xyaln pax win 'ixtc 'a jun tzo'n̈ xo eb' schecab': Lista yaj smasnil tas yic jun nupnel tic. Palta a eb' 'awtb'il cot cha, man̈ smojc eb' xjawi.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Pr 15:17

Wach'xam 'itj tzqui loc yet' eb' tzon̈ mol wac yet'oc, toto 'ay chamc'ojlal 'a qui calc yet' eb', yel xo wach' quiquec 'a yib'n̈ to cob' chib'j tzqui chic yet' eb', palta owln̈ej pax cajc yet' eb'.

Mt 22:5

Yuj cha, x'at yalnc ewin schecb' cha. Palta ax eb' 'awtb'il cot cha, toxn ma'ix syiclj eb' scoti. 'Ay eb' x'at yil smunljel, 'ay pax eb' x'at yilcn schon̈.