Mt 22:18 - Chuj San Sebastian Bible

¹⁸ Palta yojc Jesús to maysch'olnil wan snan eb' 'a spatic. Yuj cha, xyaln 'a eb' 'ixtic: —Ax tic, caw chab'sat ex. ¿Tas yuj tzin eyac' prowal?

Chuj San Mateo Bible

¹⁸ Palta yojtacxo Jesús to chuc snaan eb' d'a spatic. Yuj chi', ix yalan d'a eb': —A ex tic, chab' sat ex. ¿Tas yuj tzin eyac' proval?

Mt 22:18 Referans Kwoze

Jn 8:6

Palta ton̈j xcob' stz'ac ewin sc'anb'c 'ixta', yic tzya'lni prowal ewinac, yujto tznib'j ewin tzyac' queja. Ax Jesús ton̈j 'ix 'em n̈ojan. 'Ix stz'ib'n can 'ejm jun tzo'n̈ tas 'a sat lum yet' yune sc'ab'.

Jn 2:25

Man̈ yowlalc tzat alx 'a 'a, tas snab'en junc mach. Toxn yojtac tas 'ay 'a qui nab'en junjn on̈.

Lc 5:22

Palta ax Jesús, yojtac tas wan snan ewinac, yuj cha, xyaln 'ixtic: —¿Tas yuj wan e nan jun tzo'n̈ tic 'ixtic?

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

A Tas Sc'ulejnac Eb' Schecab' Jesús Hechos 5:9

Yuj cha, xyaln pax Pedro 'ixtc 'a 'ix: —¿Tas yuj xe molalej, xeya'lni cob' eya'n prowal Yespíritu Cajlilec? A ewin xit' mucnoc win echmil, ab' sjaw ewin 'a sti n̈a. Wal ach wul yi'nc pax ewin tic, xchi 'a 'ix.

Lc 20:23

Palta yojc Jesús to maysch'olnil wan snan eb' 'a spatic. Yuj cha, xyaln 'ixtc 'a eb': ¿Tas yuj tzin eyac' prowal?

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Lc 9:47

Palta yojc Jesús tas wan snan eb', yuj cha, 'ix squetzn cot jun 'unn 'a stz'ey.

Mr 12:5

Yuj cha, schecn pax 'at win 'aj lum chi junx schecab'. Ax 'ix c'ochi, 'ix smiln cham ewin b'i'an. Yuj cha, niwn xo eb' schecb' win chi xcob' schecb'ti. An̈jtona', 'ay eb' xma'xi, 'ay eb' xmilx cham yuj ewinac.

Mr 2:8

Ax Jesús, yojtac tas wan snan ewinac, yuj cha, xyaln 'ixtc 'a eb': —¿Tas yuj wan e nan jun tzo'n̈ tic 'ixtic?

Mt 19:3

'Ay jun tzo'n̈ ewin fariseo xjaw 'a 'a. Tznib'j ewin yac' prowal, yuj cha, 'ix sc'anb'n ewin 'ixtc 'a 'a: —¿'Aym sleyl tzpoj sb'a junc winc yet' yistl yuj tzann̈j junc tas? xchi ewin 'a 'a.

Mt 12:15

A yic xyojcan 'el Jesús tas tznib'j ewin xyutej, 'ix yi'n 'el sb'a ta'. Til wal 'anma x'at yet'oc. Jantcn̈ej eb' ya'ay, c'uxn xb'ox can sc'ojl eb' yu'uj.

Mt 22:17

¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿'aym sleyl tzcac'a, mto ma'ay? xchi eb' 'a 'a.

Mt 22:19

Ch'oxc wil junc tumn tz'ajx 'a win yajl cha, xchi 'a eb'. Yuj cha, xch'oxn eb' jun tumn chi 'a 'a.