Mt 21:16 - Chuj San Sebastian Bible

¹⁶ 'Ix yaln ewin 'ixtc 'a Jesús: —¿Tom matz ab' tas tzyal eb' 'unn tic? xchi ewin 'a 'a. —N', tzwab' yaln eb'. ¿Tom may 'aj xeyil 'a Ch'an̈ U'un̈, 'a 'aj tzyal yuj jun tic? yujto ata tzyal 'ixtic: Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach. 'Ixta tzyal 'a Ch'an̈, xchi Jesús 'a eb'.

Chuj San Mateo Bible

¹⁶ Ix yalan eb' vin̈ d'a Jesús: —¿Tom max ab' tas syal eb' unin tic? xchi eb' vin̈ d'ay. —Svab' yalan eb'. ¿Tom malaj b'aj tzeyil d'a Slolonel Dios Tz'ib'ab'ilcani, b'aj tz'alji icha tic d'a co Mam Dios? A eb' unin yed' eb' van to schuni, a eb' tzac'lab'ej yic syal vach' lolonel eb' d'ayach. Icha chi' syala', xchi Jesús d'a eb' vin̈.

Mt 21:16 Referans Kwoze

Salmos 8:2

Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach, sec wach' sictac tz'aj eb' 'ajc'ojol yet' eb' tzchichn 'och 'ayach.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mt 19:4

Yuj cha, xyaln 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, to a yic sb'on can Dios yolyib'n̈q'uinl tic, sb'ojnac win winac yet' 'ix 'ix?

Mt 12:3

Palta 'ix yaln 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, tas sb'ojnac David 'a jun 'el, yic yoch swejl yet' eb' ajun yet'oc?

Mr 2:25

Palta xyaln Jesús 'ixtc 'a ewinac: —¿Tom may 'aj xeyil 'a Ch'an̈ U'un̈, tas sb'ojnac David 'a jun 'el, yic yoch swejl yet' eb' ajun yet'oc?

Mt 22:31

¿Tas yuj tzeyala to ma'oj pitzwc pax eb' chamnac? ¿Tom mant 'a 'aj xeyil 'a Ch'an̈ U'un̈, tas yaljnac can Dios, yic yaln 'ixtic?

Mr 13:17

A 'a jun tiempoal cha, a yic 'oj 'at eb' 'anma 'eloc, caw 'oltac eb' 'ix 'ix 'ayx tz'i'ni, yet' eb' tzyac' chuw yune'.

Lc 21:23

A wal yic 'oj 'at eb' 'anma 'elc 'a jun tiempoal cha, caw 'oltac eb' 'ix 'ix 'ayx tz'i'ni, yet' eb' 'ix tzyac' chuw yune'. Yujto caw niwn yailal 'oj jawc 'a yib'n̈ eb' 'anma 'a jun tzo'n̈ lugar tic. Yujto a Dios 'oj ya' cot yowl sc'ojl 'a yib'n̈ eb' quit israelal.