Mt 21:15 - Chuj San Sebastian Bible

¹⁵ Palta ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix yiln ewin jun tzo'n̈ milagro 'ix sb'o'o, xyab'n pax ewin yaln chan̈ eb' 'unn 'ixtc 'a yamq'uil yatut Dios cha: Yuj wal dios 'a jun Yin̈tl David tic, xchi eb' 'unn cha. Yuj cha, caw xcot yowl ewinac.

Chuj San Mateo Bible

¹⁵ Palta axo eb' vin̈ sat sacerdote yed' eb' vin̈ c'ayb'um d'a ley Moisés, ix yil juntzan̈ milagro eb' vin̈ ix sb'o chi'. Ix yab'anpax eb' vin̈ to ay juntzan̈ eb' unin tz'alan d'a yamaq'uil stemplo Dios chi': Yuj val Dios d'a jun Yin̈tilalcan vin̈aj David, xchi eb'. Yuj chi' ix te cot yoval eb' vin̈.

Mt 21:15 Referans Kwoze

Mt 21:9

Ax eb' b'ab'el yet' eb' tzac'an, 'ix laj yalnc eb' 'ixtic: —Yuj wal dios 'a jun yin̈tl David tic. Calc wach' paxti 'a jun checb'il cot yuj Cajlilec. Ca'c yuj diosal 'a Dios 'aj satcha'an̈, xchi eb'.

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Jn 11:57

Ax ewin fariseo yet' eb' sat ya'mal 'och sti eb' israel chi 'a Dios, 'ix ya'n 'elt eb' jun ley, 'a 'aj tzyal 'ixtic: Toto 'ay 'aj tzeyil Jesús, tzwul eyal 'a tic, xchi jun ley cha. 'Ixta xyutj ewin yaln 'eli, yujto tznib'j ewin ya'ch Jesús 'a preso.

Jn 7:42

A Ch'an̈ Un̈ tzalni, chajtlto a Cristo, yowlal a 'a chon̈b' Belén, ata 'oj 'aljoc, 'a 'aj 'e'nc David pecti', yujto yin̈tl can David cha, xchi eb'.

Jn 4:1

'Ix yab'n eb' fariseo yab'xil to 'ec'b'al sb'isl eb' scuywum Jesús 'a yib'n̈ eb' yic Juan. 'Ec'b'al pax eb' x'ajx bautisar yu'uj.

Lc 22:66

Ax yic wan sacb'i, syamn sb'a eb' 'ichmtac winc 'ay yopiso 'a scal eb' israel, yet' eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés. Xlajw cha, 'ix 'ijx 'at Jesús 'a yojltac ewin sat yajl cha. Ata sc'anb'j eb' 'ixtc 'a 'a:

Lc 22:2

Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix sayn ewin tas 'oj yutc smiln Jesús 'a c'ultaq'uil, yujto tzxiw ewin yuj eb' 'anma'.

Lc 20:1

'Ay jun c'u 'ix cuywj Jesús 'a eb' 'anma 'a yamq'uil yatut Dios, 'ix yaln 'el wach' 'ab'x yic colnb'il 'a scal eb'. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin 'ichmtac winc 'ay yopiso, 'ix c'och ewin 'a 'a,

Mr 11:18

Ax ewin sat ya'mal 'och sti eb' israel 'a Dios yet' ewin cuywjum 'a ley yic Moisés, 'ix yab' ewinc tas 'ix sb'o Jesús. Palta 'ix xiw ewin yu'uj, yujto caw niwn yel'ch jun tzo'n̈ scuynb'il 'a sat eb' 'anma smasnil. Yuj cha, 'ix sayn ewin tas 'oj yutc smiln chamoc.

Mt 27:20

Palta ax ewin sat ya'mal 'och sti eb' 'anma', yet' ewin 'ichmtac winac, a ewin x'a'n sc'ojloc eb' 'anma', sec a Barrabás tzc'an 'elt eb', ax Jesús a tzc'an cham eb'.

Mt 27:1

'Ax yic 'ix sacb'i, 'ix syamn sb'a smasnil eb' sat ya'mal 'och sti eb' 'anma 'a Dios, yet' ewin 'ichmtac winc 'ay yopiso. 'Ix laj yalnc ewinac, tas 'oj yutc ewin ya'n 'och chaml 'a yib'n̈ Jesús.

Mt 26:59

Ax ewin sat ya'mal 'och sti eb' 'anma cha, yet' ewin 'ichmtac winac, yet' smasnil ewin sat yajal, 'ix say ewin jun tzo'n̈ stestigo tz'a'n 'och junc 'es 'a yib'n̈ Jesús, sec tzya'ch ewin 'a yol sc'ab' chamel.

Mt 26:3

Ax eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés, yet' eb' 'ichmtac winac, syam sb'a eb' 'a yamq'uil yatut win Caifás. A win cha, sat ya'mal 'och sti eb' 'anma 'a Dios.

Mt 22:42

—¿Tas tze na yuj Cristo? ¿Mach 'ay yin̈tl tze na'a? xchi 'a ewinac. —A jun cha, yin̈tl can David, xchi ewin 'a 'a.

Mt 21:23

Xlajw cha, x'ochx Jesús 'a yamq'uil yatut Dios, 'ix cuywj 'a eb' 'anma ta'. Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix jaw ewinac, sc'anb'n ewin 'ixtc 'a 'a: —¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewinac.

Mt 9:27

Yic wan s'atx Jesús 'a yol b'e, 'ay chawn̈ winc matz uj yilni. 'Ix 'och tza'n eb' yu'uj, caw 'ip xyal eb' 'ixtic: —Ach Yin̈tl David, comnoc tz'o'ch a c'ojl 'ayn̈ on̈, xchi eb' 'a 'a.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Mt 20:24

Ax lajn̈wan̈ xo eb' scuywum, yic xyab'n eb' jun tzo'n̈ cha, xcot yowl eb' 'a eb' chawn̈ cha.