Mt 20:34 - Chuj San Sebastian Bible

³⁴ Yuj cha, 'ix 'o'ch sc'ojl Jesús 'a eb', 'ix stzayn 'och sc'ab' 'a yol sat eb', yajn̈j wal cha, xjacw sat eb', xlajw cha, x'och tza'n eb' yu'uj.

Chuj San Mateo Bible

³⁴ Ix oc' sc'ool Jesús d'a eb'. Ix maslaj sat eb' chi' yuuj. D'a jun rato chi' ix jacvi sat eb', ix och tzac'an eb' yuuj.

Mt 20:34 Referans Kwoze

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

Lc 22:51

Palta xyaln Jesús 'ixtc 'a eb' scuywum cha: —'Actjec, man̈ e b'o jun chi 'ixta', xchi 'a eb'. Xlajw cha, xya'n 'at sc'ab' 'a schicn winac, 'ix 'ochx can yu'uj.

Lc 7:13

Yic 'ix yiln Cajlil jun 'ix cha, 'ix 'o'ch sc'ojl 'a 'ix, 'ix yaln 'ixtc 'a 'ix: —Man̈ ach 'oc'oc, xchi.

Mr 7:33

Yuj cha, xyi'n 'elt win 'a scal eb' 'anma cha, 'ix ya'n 'och yune sc'ab' 'a yol schicn win schab'il. Xlajw cha, 'ix stzub'n yune sc'ab', 'ix stzayn 'och 'a yac' winac.

Mt 15:32

'Ix yawtn cot Jesús eb' scuywum, 'ix yaln 'a eb' 'ixtic: —Caw tz'o'ch in c'ojl 'a eb' 'anma tic, yujto yoxl xo c'u sjaw eb' 'a tic. A ticnec, man̈x 'a tas tzc'ux eb'. Matz in nib'j tzin checx eb' 'a yatut, toto matz wa eb' s'ati. 'Ay smay tzsicb' 'el eb' 'a yol b'e, xchi 'a eb'.

Mt 14:14

Ax yic 'ix 'elt Jesús 'a yojl te barco cha, 'ix yilni til wal eb' 'anma 'ayx 'ec' pax ta'. Yuj cha, x'o'ch sc'ojl 'a eb', 'ix ya'n b'oxc sc'ojl jun tzo'n̈ eb' ya'ay x'ijx cot 'a 'a.

Mt 9:29

Yuj cha, 'ix stzayn 'och sc'ab' 'a yol sat eb'. 'Ix yaln 'ixtc 'a eb': —'Icha tzeyutj eya'n 'och 'a e c'ojl tic, 'ixta 'oj 'aj sb'o 'ayex, xchi.

Mt 8:15

Yuj cha, x'och yamn Jesús 'a sc'ab' 'ix. Yajn̈j wal cha, 'ix sicb' jun c'a'l yab'il chi 'a 'ix. Xq'ue wan 'ix, syamn 'och 'ix ya'n servil eb'.

Salmos 145:8

Mamin Jehová, caw wal wach' a nab'en, tz'o'ch pax a c'ojol. Man̈ comnoc tzcot owal, yujto 'ay a chamc'ojlal.

Salmos 119:71

'Ay swach'il yic in 'och 'a in yailal, yujto ata xin cuy a checnb'il.

Salmos 119:67

A yic mantzac 'och in yailal, til wal tas maysch'olnil xlaj in b'o', palta ax ticnec, a 'a paxti tzin yiclej.

Lc 18:43

Yajn̈j wal cha, 'ix jacw sat winac. Yuj cha, 'ix 'och tza'n win yu'uj. 'Ix yaln win wach' paxti 'a Dios. An̈jtona', jantc eb' 'anma x'iln jun cha, xyaln pax eb' wach' paxti 'a Dios.

Mt 9:36

A yic x'och q'ueln 'a eb' 'anma cha, 'ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, caw 'aych eb' 'a syailal, caw cusc'ojlal yaj eb'.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

Mt 20:33

—Mamin, caw tzqui nib'j tza jac qui sat tic on̈, xchi eb' 'a 'a.

Mt 21:1

Yic wan sc'och Jesús yet' eb' scuywum 'a sla'nil Jerusalén, 'ix jaw eb' 'a chon̈b' Betfagé 'a yich lum tzaln Olivo. Ax Jesús, 'ix checn 'at chawn̈ eb' scuywum.