Mt 20:27 - Chuj San Sebastian Bible

²⁷ An̈jtona', toto 'ayx tze nib'j tzex 'och 'a junc niwc 'opiso, yowlal tzex 'och mosoal 'a eb' eyit cuywumal.

Chuj San Mateo Bible

²⁷ A mach sgana sat tz'aj d'a e cal, yovalil tz'och e checab'oc.

Mt 20:27 Referans Kwoze

Lc 22:26

Ax xo tic, man̈ eyutc e b'a 'icha eb' yajl cha. Toto 'ayx niwn eyel'ch 'a e cal, yowlal caw tzeyij 'ejm e b'a, 'icha junc mach may yel'chi. An̈jtona', toto 'ayx yajl eyaji, yowlal tzeya'ch e b'a mosoal.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

Mt 18:4

Yuj cha, a eb' 'emmquil tzyutj sb'a 'icha jun 'unn tic, an̈j eb' caw niwn yel'ch 'a scal eb' 'aych 'a yol sc'ab'.

Ro 1:14

Yujto smasnil 'anma', in cuentan̈ej yaj eb', wach'xam griego, mto ma'ay. In cuentan̈ej yaj eb' jelan, yet' pax eb' man̈ jelnoc.

2 Co 12:15

An tic, caw tzin nib'j tzin lajl tastc 'ay 'ayin, sec 'oj wach' b'o e nab'en. Wach'xam 'oj lajwc in niwnal tic yuj 'ex wa'n servil, palta 'oj in tzaljn̈ej, wach'xam jab'xoj e chamc'ojlal 'ayin, palta yel xo wal tzex in chamc'ojlej.

2 Co 11:5

A wal eb' cha, caw schecb' Cristo eb' si'mb'il cob' yala', palta tzin na'a, may wal jac yel'ch eb' 'a in sat.

Mt 20:26

Palta ax tic, man̈ 'ichcta 'oj 'aj 'a e cal. Toto 'ay ex, tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal smasnil. Toto 'ixta', caw niwn eyopiso.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.