Mt 20:23 - Chuj San Sebastian Bible

²³ —Wal yel, 'oj eyajx prowal 'icha 'oj waji. 'Icha 'oj wutc wab'n syal an tic, 'ixta 'oj eyab' pax syal jun xo. Palta an tic, may waln wic ex wa'n 'em wocn 'a in wach' c'ab', mto 'a in surito. Yujto a qui Mam Dios a b'ojnac xoni, mach eb' 'oj 'em wocn ta', yuj cha, atn eb' 'aj 'oj 'ajxoc, xchi 'a eb'.

Chuj San Mateo Bible

²³ —Val yel ol ex ac'joc proval icha ol in utajoc. Icha ol vab' syail a in tic, icha chi' ol aj eyab'anpax syail. Palta a in tic, malaj valan vic ex vac'an em c'ojan d'a in vach' ma d'a in q'uexan̈. Yujto a co Mam Dios b'ojinaccani mach eb' ol em c'ojan ta'. Yuj chi' ol ac'joc d'a eb', xchi Jesús d'a eb' vin̈.

Mt 20:23 Referans Kwoze

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

A Tas Sc'ulejnac Eb' Schecab' Jesús Hechos 12:2

'Ix ya'n win tzu'xc 'el sjolm Jacobo, yu'tac Juan.

Mr 10:40

Palta an tic, may waln wic ex wa'n 'em wocn 'a in wach' c'ab', mto 'a in surito, yujto a qui Mam Dios b'ojnac xoni, mach eb' 'oj 'em wocn ta', xchi 'a eb'.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

1 Co 2:9

Palta tzyal 'ixtc 'a Ch'an̈ U'un̈: 'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

A Ch'an̈ Carta D'a Eb' Hebreo 11:16

Palta snib'jnac eb' junx schon̈b' caw wach', atn jun chon̈b' 'ay 'a satcha'an̈. Yuj cha, a Dios, matz q'uixwi, yic tzyaln eb' sDiosaloc, yujto tox xyac' lista jun chon̈b' chi yico'oc eb'.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

2 Co 1:7

Te'n tzcutj qui b'a ca'n 'och Dios yipc qui c'ojl eyuj on̈, yujto cojc on̈, 'icha tz'aj yajx 'och yailal 'a eyib'an̈, 'ixta 'oj 'aj yajx pax sniwnal e c'ojl yuj Dios.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mt 20:24

Ax lajn̈wan̈ xo eb' scuywum, yic xyab'n eb' jun tzo'n̈ cha, xcot yowl eb' 'a eb' chawn̈ cha.