Mt 20:20 - Chuj San Sebastian Bible

²⁰ A 'ix yistzil win Zebedeo, 'ix c'och 'ix 'a Jesús yet' chawn̈ eb' yune', atn Jacobo yet' Juan. 'Ix 'em cumn 'ix sc'och 'a yojltac Jesús, yujto tznib'j 'ix sc'an junc tas 'a 'a.

Chuj San Mateo Bible

²⁰ A ix yetb'eyum vin̈aj Zebedeo, ix c'och ix d'a Jesús yed' chavan̈ eb' yune', aton vin̈aj Jacobo yed' vin̈aj Juan. Ix em cuman ix d'a yichan̈, yujto sgana ix sc'an jab'oc tas d'ay.

Mt 20:20 Referans Kwoze

Mt 8:2

'Ay jun winc caw ya'ay yuj jun yab'il tzcuch lepra. 'Ix c'och win 'a Jesús, 'ix 'em cumn 'a yojltac, 'ix yaln win 'ixtc 'a 'a: —Mamin, toto tzyal a c'ojol, tztac' in a'n b'oxoc, xchi win 'a 'a.

Mt 4:21

'Ix 'at jab'xo, ax xyiln 'ati 'ayc' chawn̈ xo eb' yu'tac sb'a, atn Jacobo yet' Juan, atn eb' yunnal Zebedeo. 'Aych eb' 'a yol jun barco yet' smam cha, wan snipn eb' schim yic syamlab' chay. 'Ix yawtn cot Jesús eb'.

Mt 27:56

A 'a scal eb', ata 'ayc' María Magdalena, yet' María snun Jacobo yet' José, yet' pax snun eb' yunnal Zebedeo.

Mr 15:40

'Ay pax jun tzo'n̈ eb' 'ix 'ix 'ayc' 'a najttac, wan yiln 'at eb'. A 'a scal eb' ata 'ayc' María Magdalena, 'ix Salomé, yet' María snun José yet' Jacobo, atn win tza'n 'unin.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Mt 28:17

Ata xyil eb' Jesús, 'ix ya'n 'ejm sb'a eb' 'a 'a, palta 'ay jaywn̈ xo eb' mant 'ix ya'ch wal 'a sc'ojol.

Mt 15:25

Palta x'ec' jun 'ix chi 'a eb', 'ix 'em cumn 'ix 'a yojltac Jesús, xyaln 'ix 'ixtic: —Mamin, caw colwjan̈ 'ayn 'an, xchi 'ix 'a 'a.

Mt 14:33

A eb' 'ayc' 'a yojl te', 'ix 'em cumn eb' 'a yojltac Jesús, 'ix yaln eb' 'ixtc 'a 'a: —Wal yel, ach tic Yunnal ach Dios, xchi eb' 'a 'a.

Mt 10:2

Atn sb'i eb' lajchwan̈ schecb' tic: A Simón, tzcuch pax Pedro, yet' jun yu'tac Andrés sb'i; Jacobo yet' jun yu'tac Juan sb'i. A eb' chawn̈ tic, yunnal Zebedeo eb'.