Mt 2:6 - Chuj San Sebastian Bible

⁶ A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Chuj San Mateo Bible

⁶ A jun chon̈ab' Belén, d'a yol yic Judea, yunen̈ej d'a yichan̈ juntzan̈xo chon̈ab' ay d'a yol yic Judá chi'. Palta ec'al yopisio d'a yichan̈ juntzan̈xo chon̈ab' chi'. Yujto ata' ol aljoc jun vin̈ yajal, A ol ilan in chon̈ab' Israel, xchi d'a Slolonel Dios Tz'ib'ab'ilcani, xchi eb' vin̈.

Mt 2:6 Referans Kwoze

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Jn 7:42

A Ch'an̈ Un̈ tzalni, chajtlto a Cristo, yowlal a 'a chon̈b' Belén, ata 'oj 'aljoc, 'a 'aj 'e'nc David pecti', yujto yin̈tl can David cha, xchi eb'.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Apoc 2:27

'Icha yutjnac in Mam ya'n Wopiso an tic, 'ixta 'oj wutc wa'n yopiso eb'. Yuj cha, 'oj yac' eb' yajlil yet' junjn sq'uen c'ococh. Ax junjn nacion̈ cha, 'icha junc lum chen tzma'x pojoc, 'ixta 'oj 'aj yuj eb'.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

Nm 24:19

A 'a scal eb' yin̈tl Jacob, ata 'oj 'eltoc jun mach 'oj 'a'n yajlil, a 'oj wach' satnc 'el eb' 'anma 'oj can to 'a yol chon̈b' cha, xchi Balaam.

Jn 21:16

Xlajwn̈ej yaln jun tzo'n̈ tic, 'ix yaln jun 'ejm xo 'ixtic: —Simón, ach yunnal Juan, ¿tzam in a chamc'ojlej? xchi 'a 'a. —N', Mamin. Caw ojc xoni, tzach in chamc'ojlej, xchi pax Pedro chi 'a 'a. —Toto 'ixta', 'icha junc 'ilm calnelu, 'ixta tzotj a tan̈wni eb' wic xo, xchi Jesús 'a 'a.

Esdras 2:21

Eb' 'aj Belén, 'ay 123. Eb' 'aj Netofa, 'ay 56. Eb' 'aj Anatot, 'ay 128. Eb' 'aj Azmavet, 'ay 42. Eb' 'aj Quiriat-jearim, Cafira yet' Beerot, 'ay 743. Eb' 'aj Ramá yet' eb' 'aj Geba, 'ay 621. Eb' 'aj Micmas, 'ay 122. Eb' 'aj Bet-el yet' eb' 'aj Hai, 'ay 223. Eb' 'aj Nebo, 'ay 52. Eb' 'aj Magbis, 'ay 156. Eb' yic junx Elam, 'ay 1,254. Eb' 'aj Harim, 'ay 320. Eb' 'aj Lod, Hadid yet' Ono, 'ay 725. Eb' 'aj Jericó, 'ay 345. Eb' 'aj Senaa, 'ay 3,630.

A Ch'an̈ Carta D'a Eb' Hebreo 7:14

Cojquec, chajtlto a Cajlilec, yin̈tl can Judá. Ax Moisés, may tas yaljnac, toto 'ay junc eb' yin̈tl Judá chi tztac' yoch ya'malc 'och qui tic 'a Dios.

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.

1 Cr 2:51

yet' Salma, atn smam 'ichm eb' 'aj Belén, yet' Haref, atn smam 'ichm eb' 'aj Bet-gader.