Mt 2:12 - Chuj San Sebastian Bible

¹² Palta 'ix alx 'a eb' 'a swayich, to man̈xtzac 'ec' yal eb' yab' win Herodes. Yuj cha, chuc junx b'e 'aj xpax eb', 'ix c'ochx eb' 'a schon̈ab'.

Chuj San Mateo Bible

¹² Axo ix alji d'a eb' vin̈ d'a svayich, to maxtzac ec' eb' vin̈ yal d'a vin̈aj Herodes chi'. Yuj chi' ch'ocxo b'e b'aj ix pax eb' vin̈ d'a schon̈ab'.

Mt 2:12 Referans Kwoze

Mt 2:22

Ax xyab'n José, chajtlto a jun yunnal Herodes Arquelao sb'i, a 'aych can pax yajlil sjelc smam 'a Judea cha. Yuj cha, xiw sc'och cajn ta'. Palta 'ix yaln Dios 'a waychil 'a winac tas tzyutj sb'a. Yuj cha, x'at eb' 'a yol yic Galilea.

Mt 2:19

Ax yic xcham win Herodes cha, 'ix ch'oxn pax sb'a jun yángel Cajlil 'a José 'a swayich, yic 'ayc' 'a Egipto cha, 'ix yaln 'ixtc 'a 'a.

Mt 2:13

Xlajw spax eb' mago cha, 'ay jun yángel Cajlil 'ix ch'ox sb'a 'a José 'a swayich, 'ix yaln 'a 'ixtic: —Q'uen̈ wa'an, 'ij 'at win 'unn tic et'oc, yet' snun winac. 'Eln̈ec muc'uc, 'ixquec 'a Egipto. Cann̈ecn̈ej ta b'el, masnto an 'oj wal 'ayach, yujto 'oj yac' win Herodes sayxc 'ec' jun 'unn tic yic tzya'n milxoc, xchi jun ángel cha.

Mt 27:19

Yic wocn to 'ejm win Pilato chi 'a sdespacho, 'ix c'och sti 'ix yistl win 'a 'a, xyal 'ix 'ixtic: Caw may jac tza'ch 'a yib'n̈ win tojl snab'en cha, yujto xin waychej jun chi q'uiq'ui, caw in xiw yuj jun in waych cha, xchi 'ix.

Mt 1:20

Ax yic wan snan win José jun cha, 'ay jun yángel Cajlil 'ix ch'ox sb'a 'a win 'a swayich, 'ix yaln 'a 'ixtic: —José, ach yin̈tl can David, man̈ ach xiw e'n a b'a yet' 'ix María tic, yujto a Yespíritu Dios 'ix 'a'n pitzwc jun 'unn chi 'a 'ix.

Ex 1:17

Palta ax eb' 'ix wetz'wjum cha, caw wal 'ay xiwc'ojlal eb' 'ix 'a Dios, yuj cha, ma'ix syiclj eb' 'ix 'icha xyutj win sreyl Egipto chi yalni, ton̈j tzyil eb' yic tz'alj eb' winc 'unn cha.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Tas Sc'ulejnac Eb' Schecab' Jesús Hechos 5:29

Palta 'ix ta'w Pedro chi 'ixtc yet' jun tzo'n̈ xo eb' schecb' Jesús: —Yowlal a tas tzyal Dios, a tzqui yiclj on̈. Ax jun tzo'n̈ schecnb'il 'anma', toto matz chaj sb'a yet' yic Dios, matz qui yiclj on̈.

A Tas Sc'ulejnac Eb' Schecab' Jesús Hechos 4:19

Palta 'ix ta'w Pedro chi yet' Juan 'a ewin 'ixtic: —Palta tzcham wal e nani. ¿Tom wach' 'a sat Dios tze na'a, toto a eyic tic tzqui yiclj on̈, ax Dios, matz qui yiclj tas tzyal on̈?

Dn 2:19

Ax 'a yic jun 'ac'wl cha, 'ix ya'n Dios swaychoc Daniel jun paxti to caw c'ultac yaj cha. Yuj cha 'ix yaln win swach' paxti 'a Dios 'aj satcha'an̈.

1 Co 3:19

Yujto a jun jelnal yic yolyib'n̈q'uinl tic, caw may jac yel'ch 'a sat Dios. Yujto 'ixta yaj stz'ib'x can 'a Ch'an̈ U'un̈, 'a 'aj tzyal 'ixtic: A tztenn 'och wan eb' maysch'olnil snab'en cha, sec matz 'el'ch tas tznib'j eb', xchi.

Lc 2:26

A 'a'jnac nachjc 'el yu'uj, to ma'oj chamoc, masnto 'oj yil Cristo, jun 'oj schec cot Cajlil.

A Tas Sc'ulejnac Eb' Schecab' Jesús Hechos 10:22

'Ix yaln eb' 'a 'ixtic: —'Ay jun win syajlil eb' soldado Cornelio sb'i. Caw wach' sb'eyb'al. 'Ay pax xiwc'ojlal 'a Dios. Caw wach' a sat smasnil eb' et israelal. 'Ay schamc'ojlal eb' 'a 'a. Ax jun yángel Dios 'ix aln 'a 'a, to tzchec cot eb' schecb' tic ach wul yi't 'a yatut, sec wach' 'oj yab' tas 'oj al 'a 'a, xchi eb' 'a Pedro cha.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.