Mt 19:7 - Chuj San Sebastian Bible

⁷ 'Ix yaln pax ewin 'ixtc 'a 'a: —¿Palta tas yuj yaljnac can Moisés, to tztac' ya'n junc winc yun̈al yic pojjb'al 'a yistzil yic tzpojn sb'a eb'? xchi ewin 'a 'a.

Chuj San Mateo Bible

⁷ Ix yalanxi eb' d'ay: —¿Palta tas yuj yalnaccan vin̈aj Moisés to a vin̈ vinac syal yac'an yumal yic pucojb'ail vin̈ d'a ix yetb'eyum, slajvi chi' schecan pax ix vin̈? xchi eb' d'ay.

Mt 19:7 Referans Kwoze

Mt 5:31

A 'a pecti', alb'il can pax junx tic 'ixtic: A mach tzpoj sb'a yet' yistzil, yowlal tzyac' win jun yun̈al yic pojjb'al chi 'a 'ix 'ix cha, xchi.

Mr 10:4

Yuj cha, xyaln ewinac: —Yaljnac can Moisés cha, to tztac' ya'n junc winc yun̈al yic pojjb'al 'a yistzil, yic tzpojn sb'a yet' 'ix, xchi ewin 'a a'.

Malaquías 2:16

A Jehová qui Diosalec tztac' yuj smasnil, an̈ israel on̈c tic, a tzaln 'ixtic: Caw tze tan̈wj wal e b'a, 'a'c 'el'choc e ti eya'jnac 'a eyistzil. Yujto an tic, caw tzin chacl eb' tzpoj sb'a yet' yistzil, caw wal tz'och e mul 'a eb' 'ix, toto 'ixta tzeyutj e b'a, xchi Dios.

Mt 1:19

A José cha, caw tojl snab'en, palta ma'ix snib'j tzchecltej 'el 'ix 'a scal eb' 'anma'. Ton̈j snib'j tzsatcn 'ejm jun strato eb' chi 'a c'ultaquil.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Mt 19:6

Yuj cha, man̈x chawn̈oc eb', junxn̈ej tz'ajcn eb'. Yujto a eb' junxn̈ej tz'ajcn yuj Dios, 'ay yowlal spojn sb'a eb', xchi Jesús 'a ewinac.

Mt 19:8

—Yuj e pital yaln can Moisés to tztac' e pojn e b'a yet' eyistzil. Palta yictax sb'on Dios yolyib'n̈q'uinal, man̈ 'ichcta yaj yu'uj.