Mt 16:3 - Chuj San Sebastian Bible

³ 'Ay 'aj tzeyal pax 'a junc sq'uin̈b'ial: A ticnec musan, caw q'uic' 'asun, 'oj yac' n̈ab', xe chi. Jeln ex ton eyiln jun tzo'n̈ 'asun, tzeyalni toto 'oj yac' n̈ab', mto ma'ay. 'Ay wal jun tzo'n̈ xo senya tzch'oxni, tas yaj jun tiempoal tic, palta 'in matz nachj 'el jun tzo'n̈ chi eyu'uj, yuj cha, caw chab'sat ex.

Chuj San Mateo Bible

³ Ay b'aj tzeyal pax d'a q'uin̈ib'alil: A ticnaic musan, te q'uic' asun, ol yac' n̈ab', xe chi. Jelan eyilan juntzan̈ asun, tzeyalani tato ol yac' n̈ab', mato maay. Ay juntzan̈xo yechel sch'oxan tas yaj jun tiempoal tic, palta ina max nachajel juntzan̈ chi' eyuuj. Yuj chi', chab' sat ex.

Mt 16:3 Referans Kwoze

Lc 12:56

Palta ax tic, caw chab'sat ex. Jeln ex ton e nan 'eli, tas 'oj jawc yuj jun tzo'n̈ chi tzeyil 'a satcha'an̈, yet' 'a sat lum tic. Palta ¿tas yuj matz nachj 'el eyu'uj, tas wal yel'ch jun tiempoal tic?

1 Cr 12:32

'A eb' yin̈tl Isacar, 'ay chab' ciente eb' yajal, 'ix jaw eb' yet' smasnil eb' winc tzyac' mandar. A jun tzo'n̈ eb' tic, caw wal tznachj 'el yuj eb' tas yowlal tzb'o chon̈b' Israel, b'a'n̈ pax 'oj 'el'choc.

Lc 13:15

Yuj cha, xyaln pax Cajlil 'ixtc 'a winac: —Ax tic, caw chab'sat ex. Toto 'ay junc e wacax, mto junc e b'uru pixn 'a sc'ul 'iljelal, ¿tom matz e jiy 'el ta, tz'at eya'nc yuc' a'?

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Lc 11:44

[Ax xo cuywjum ex 'a ley yic Moisés yet' ex fariseo,] caw 'oltac ex, caw chab'sat ex. Lajn ex 'icha 'aj mucn junc xi'lb'a, man̈x checloc 'aj mucan. Tz'ec' eb' 'anma 'a yib'an̈, palta man̈ yojcoc eb', toto 'ay mach mucn ta', xchi Jesús.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 22:18

Palta yojc Jesús to maysch'olnil wan snan eb' 'a spatic. Yuj cha, xyaln 'a eb' 'ixtic: —Ax tic, caw chab'sat ex. ¿Tas yuj tzin eyac' prowal?

Mt 15:7

Caw chab'sat ex. Yel ton tas yaljnac can Isaías eyu'uj, yic yaln can 'ixtic:

Mt 7:5

Toto 'ixta tzeyutj eyalni, caw chab'sat ex. Yowlal tze b'ab'l 'ijcan 'elt jun patzb' chi 'a yol e sat cha. 'Ixta to b'i'an 'oj stac' eyilni, ax eyi'n 'elt jun c'alem chi 'a yol sat jun eyit 'anmal cha.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

A Ch'an̈ Carta D'a Eb' Hebreo 5:14

Ax jun tzo'n̈ cuynb'il ya snachji, lajn 'icha tas tzc'ux eb' 'anma te'n xo. Yuj cha, a eb' tzcuyn jun tzo'n̈ cha, atn eb' te'n xo snab'en. C'aync xo eb' snan 'eli 'aj 'ay jun tzo'n̈ tas wach', 'aj 'ay pax jun tzo'n̈ tas maych'olnil.