Mt 16:23 - Chuj San Sebastian Bible

²³ Palta x'och wal q'ueln Jesús 'a 'a, 'ix yaln 'ixtic: —Ach Satanás 'eln̈ 'a in tz'ey, yujto tza nib'j tzac' juwc 'el in nab'en. Man̈oc jun tzo'n̈ tas yic Dios 'aj tza'ch a nab'en. An̈j jun tzo'n̈ yic 'anma 'aj 'aych a nab'en, xchi 'a 'a.

Chuj San Mateo Bible

²³ Palta ix och val q'uelan Jesús d'a vin̈, ix yalani: —Elan̈ d'a in stz'ey ach Satanás, yujto a gana tzac' somchajel in pensar. Man̈oclaj juntzan̈ tas yic Dios b'aj tzac'och a pensar. An̈ej juntzan̈ yic anima tza na'a, xchi d'a vin̈.

Mt 16:23 Referans Kwoze

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Scarta San Pablo D'a Eb' Aj Colosas 3:2

Yowlal an̈j tas 'ay 'a satchan̈ 'aj 'ayb't qui nab'enec ticnec. Man̈x ca'c 'och qui nab'en 'a tas 'ay 'a sat lum tic,

Mr 8:33

Palta ax Jesús 'ix meltzj 'at q'ueln 'a jun tzo'n̈ xo eb' scuywum, 'ix stenn 'och wan Pedro cha, 'ix yaln 'ixtc 'a 'a: Ach Satanás 'eln̈ 'a in tz'ey, yujto man̈oc jun tzo'n̈ yic Dios 'aj tza'ch a nab'en, an̈j jun tzo'n̈ yic 'anma 'aj 'aych a nab'en, xchi 'a 'a.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Jn 6:70

—Ax lajchwan̈ ex tic, an ex in si'cn 'eli. Palta 'ay jun 'a e cal, schecb' win diablo yaji, xchi 'a eb'.

Lc 4:8

Palta xyaln pax Jesús 'a winac: —[Ach Satanás, 'ij 'el a b'a 'a in tz'ey.] Tzyal 'ixtc 'a Ch'an̈ Un̈ tz'ib'b'il cani: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈ U'un̈, xchi Jesús 'a winac.

Gn 3:17

Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Ro 14:13

Yuj cha, man̈xtzac stac' laj qui b'eyc'ojlanc qui b'a. Yel xo wach' a junx tic tzqui b'o'ec, to caw wach' tzcutjec qui b'eyb'al yil eb' quit creyenteal, sec wach' may junc eb' 'oj 'ixtxoc cujec, may junc eb' 'oj somchjc 'el snab'en 'a screyenteal.

1 Cr 21:1

Palta 'ix 'och win Satanás 'ajc'ojlal 'a eb' israel, 'ix ya'n sc'ojloc David sec tzyij chan̈ sb'isl eb' soldado.

A Ch'an̈ Schab'l Libro Samuel 19:22

Palta 'ix ta'w David, 'ix yaln 'ixtic: Ax yune ex 'ix Sarvia tic, may eyaln eyic 'a jun tic. ¿Tas yuj tzeyac' somchjoc in nab'en? A ticnec wojc xo chajtlto in 'ochx sreyloc eb' wit israelal, yuj cha, may junc mach 'oj stac' scham 'a yol qui chon̈b'ec 'a jun c'u tic, xchi David.

Is 8:14

An xo tic 'oj woch a cajnub'oc 'a 'aj tztac' a coln a b'a. Palta a 'a eb' 'aj israel yet' 'a eb' 'aj Judá 'icha wal junc q'uen 'aj tztench eb' yoc, 'ixta 'oj waj 'a eb'. Yuj cha, ata 'oj yamchjoc eb' 'aj Jerusalén tic.

Ro 14:21

Yuj cha, toto 'ay eb' tzsomchj 'el snab'en, yujto tzqui chic chib'ej, mto yuj tzcu'jec yal uva jawnc sti', mto yuj junc xo tas tzlaj qui b'o'ec, yel xo wach' tzcactjec can qui b'on jun tzo'n̈ cha.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Mt 16:22

Yuj cha, ax Pedro 'ix yi'n 'el'ch Jesús sch'ocoj, stenn 'och wa'an, 'ix yaln 'a 'ixtic: —Mamin, caw man̈ 'ichcta snab'en Dios. A jun tzo'n̈ 'ix al tic, ma'oj jawc 'a eb'an̈, xchi Pedro chi 'a 'a.