Mt 16:21 - Chuj San Sebastian Bible

²¹ Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Chuj San Mateo Bible

²¹ A d'a jun tiempoal chi', ix och ijan Jesús yalan d'a eb' sc'ayb'um tas ol ja d'a yib'an̈. Ix yalani: —Yovalil ol in b'at d'a Jerusalén. Ata' ol ac'jococh d'a vib'an̈ yuj eb' ichamtac vinac ay yopisio, eb' sat sacerdote yed' eb' c'ayb'um d'a ley Moisés. Ol in smilcham eb', palta axo d'a schab'jial, ol in pitzvocxi, xchi d'a eb'.

Mt 16:21 Referans Kwoze

Mt 17:12

Palta tzwal 'ayex, wulnc xo 'eq'ui. Palta ma'ix nachj 'el yuj eb' 'anma', toto a'. Yuj cha, ya'jnac wal eb' sgana 'a spatc 'icha snib'ej. An tic, 'Ochnc in 'Anma'il, palta 'ixta 'oj waj pax wab'n syal yuj eb', xchi 'a eb' scuywum cha.

Mt 27:63

'ix yaln ewin 'ixtic: —Ach cajlil on̈, cojc on̈ yic pitznto win 'a'm 'es cha, yaln can 'ixtic: Schab'jil in chami ax in pitzw paxi, xchi cob' winac.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Lc 17:25

Palta b'ab'el, yowlal caw 'oj wab' syail, 'oj in patquilx can 'el yuj eb' 'anma 'ayc' 'a jun tiempoal tic.

Lc 24:46

'Ix yaln pax 'a eb' 'ixtic: —A 'a Ch'an̈ U'un̈, ata tz'ib'b'il can wab'xil an Cristo in tic, chajtlto yowlal in chami, ax 'a schab'jial in pitzw pax 'a scal eb' chamnac.

Mr 8:31

Ax 'a jun tiempoal cha, 'ix syamn 'och scuywj 'a eb' scuywum, yuj tastc 'oj jawc 'a yib'an̈, 'ix yaln 'ixtic: An tic wach'xam 'Ochnc in 'Anma'il, palta yowlal caw 'oj wab' syail. A wal ewin 'ichmtac winc 'ay yopiso, yet' ewin sat ya'mal 'och qui ti 'a Dios, yet' pax ewin cuywjum 'a ley yic Moisés, 'oj in patquilx can 'el yuj ewinac, 'oj in smil cham ewinac, palta ax 'a schab'jial ax in pitzw paxi, xchi 'a eb'.

Lc 9:31

Caw wal tzictzni yilx 'aj 'ayc' eb'. Xpaxtin eb' yet' Jesús yuj tas 'oj 'aj scham 'a Jerusalén.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mt 26:2

—Eyojtac to chab'joc xoj yoch q'uin̈ yic snanb'il cot yel eb' qui mam quichmec 'a libre, an 'Ochnc in 'Anmal tic, 'oj wajx 'och 'a yol sc'ab' eb' 'oj wa'n 'och 'a spenc culus, xchi 'a eb'.

Mt 27:12

Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix ya'ch ewin 'a yib'an̈, palta may tas tzyala.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

Mt 16:22

Yuj cha, ax Pedro 'ix yi'n 'el'ch Jesús sch'ocoj, stenn 'och wa'an, 'ix yaln 'a 'ixtic: —Mamin, caw man̈ 'ichcta snab'en Dios. A jun tzo'n̈ 'ix al tic, ma'oj jawc 'a eb'an̈, xchi Pedro chi 'a 'a.

Mt 17:9

Yic wan yempaxt eb' 'a jun tzaln cha, 'ix yaln Jesús 'ixtc 'a eb': —'Ayt 'aj xeyal jun xeyil tic. At yic 'oj in pitzw pax An 'Ochnc in 'Anmal tic 'a scal eb' chamnac, atta 'oj eyal-li, xchi 'a eb'.

Mt 28:6

Man̈x 'ayc' 'och 'a tic, tox 'ix pitzw pax 'icha yaj yaln can 'ayex. Cotn̈ec nab'an, wul 'iltec yet'l 'aj xwul ya'ch eb'.

Mr 9:12

Yuj cha, xyaln pax 'ixtc 'a eb': —Yel toni, yowlal tzb'ab'l jaw Elías cha, sec tzna sb'a eb' 'anma'. Palta ¿tas tzyal 'a Ch'an̈ Un̈ wuj an 'Ochnc in 'Anmal tic? Ata tzyala, chajtlto 'oj wab' syail, 'oj in patquilx can 'el yuj eb' 'anma'.