Mt 16:1 - Chuj San Sebastian Bible

¹ 'Ay jun tzo'n̈ ewin fariseo yet' ewin saduceo xjaw 'a Jesús, yujto tznib'j ewin tzya'lj prowal. Yuj cha, sc'ann ewin yil junc milagro tzcot 'a Dios.

Chuj San Mateo Bible

¹ Ay juntzan̈ eb' fariseo yed' eb' saduceo ix c'och d'a Jesús, yujto sgana eb' yac'an proval. Yuj chi' ix sc'an yil junoc milagro eb' scot d'a satchaan̈.

Mt 16:1 Referans Kwoze

Lc 11:16

'Ay pax jun tzo'n̈ xo eb' tznib'j 'a'lnoc prowal Jesús sec toq'ue tz'ejm yuj eb', yuj cha, 'ix sc'ann eb' yil junc milagro tzcot 'a satchan̈ yu'uj.

A Tas Sc'ulejnac Eb' Schecab' Jesús Hechos 4:1

A yic wan yaln Pedro yet' Juan 'a eb' 'anma', 'ix c'och ewin ya'mal 'och sti eb' israel 'a Dios, yet' win sat stan̈mal yatut Dios, yet' pax ewin saduceo.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

1 Co 1:22

A eb' wit israelal, tznib'j eb' yil jun tzo'n̈ milagro 'a Dios. Ax eb' griego, cojn sjelnal eb' tzsayq'ui.

Jn 8:6

Palta ton̈j xcob' stz'ac ewin sc'anb'c 'ixta', yic tzya'lni prowal ewinac, yujto tznib'j ewin tzyac' queja. Ax Jesús ton̈j 'ix 'em n̈ojan. 'Ix stz'ib'n can 'ejm jun tzo'n̈ tas 'a sat lum yet' yune sc'ab'.

A Tas Sc'ulejnac Eb' Schecab' Jesús Hechos 5:17

Ax win sat ya'mal 'och sti eb' israel 'a Dios, yet' smasnil ewin yitb'eym winac, atn ewin saduceo, caw xchacb' 'el sat ewin yuj schichnc'ojlal.

Lc 20:27

Xlajw cha, 'ay jun tzo'n̈ ewin saduceo xjaw 'a Jesús. Atn ewin tzalni to ma'oj pitzwc pax eb' chamnac. Yuj cha, xyaln ewin 'ixtc 'a 'a:

Lc 20:23

Palta yojc Jesús to maysch'olnil wan snan eb' 'a spatic. Yuj cha, xyaln 'ixtc 'a eb': ¿Tas yuj tzin eyac' prowal?

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Mr 12:18

Xlajw cha, 'ay jun tzo'n̈ ewin saduceo 'ix jaw 'a Jesús. A ewin chi tzalni to man̈xtoc 'oj pitzwc pax eb' chamnac, yuj cha, xyaln ewin 'ixtc 'a 'a:

Mr 12:15

Palta yojc Jesús, to chab'sat eb', yuj cha, xyaln 'a eb' 'ixtic: —¿Tas yuj tzin eyac' prowal? 'At 'ijec cot junc tumn wila', xchi 'a eb'.

Mr 10:2

'Ay jun tzo'n̈ ewin fariseo xjaw 'a 'a, yujto tznib'j ewin tzyac' prowal, yuj cha, 'ix sc'anb'n ewinac toto 'ay sleyl tzpoj sb'a junc winc yet' yistzil.

Mt 27:62

A jun c'u cha, sc'ul ya'n lista sb'a eb' israel, yujto q'ui'noc xoj sc'ul 'iljelal. Ax 'a junx c'u cha, ax ewin sat ya'mal 'och sti eb' 'anma 'a Dios yet' ewin fariseo, 'ix c'och ewin 'a win Pilato,

Mt 23:2

A eb' cuywjum 'a ley yic Moisés yet' eb' fariseo, 'ay yopiso eb' scuywj 'a ley yic Moisés.

Mt 22:23

An̈jtona 'a jun c'u cha, 'ay jun tzo'n̈ ewin saduceo xjaw 'a Jesús. A ewin chi tzalni, to ma'oj pitzwc pax eb' chamnac. Yuj cha, xyaln ewin 'ixtc 'a 'a:

Mt 22:18

Palta yojc Jesús to maysch'olnil wan snan eb' 'a spatic. Yuj cha, xyaln 'a eb' 'ixtic: —Ax tic, caw chab'sat ex. ¿Tas yuj tzin eyac' prowal?

Mt 22:15

Xlajw cha, 'ix yi'n 'el sb'a ewin fariseo cha, 'ix 'at sc'umnoc sb'a ewin 'a spatc Jesús, chajtl 'oj yutc ewin ya'lni prowal, sec toq'ue 'ay tas 'oj yac' palta yalni, yujto tznib'j ewin yac' queja.

Mt 19:3

'Ay jun tzo'n̈ ewin fariseo xjaw 'a 'a. Tznib'j ewin yac' prowal, yuj cha, 'ix sc'anb'n ewin 'ixtc 'a 'a: —¿'Aym sleyl tzpoj sb'a junc winc yet' yistl yuj tzann̈j junc tas? xchi ewin 'a 'a.

Mt 15:1

'Ay jun tzo'n̈ ewin fariseo yet' ewin cuywjum 'a ley yic Moisés, 'ix cot ewin 'a Jerusalén. 'Ix syamn sb'a ewin 'a 'aj 'ayc' Jesús. 'Ix sc'anb'n ewin 'a 'ixtic:

Mt 12:14

Ax 'ix 'elt ewin fariseo cha, 'ix slajtin sb'a ewin 'a spatic, tas 'oj yutc ewin smilni.

Mt 9:11

Ax yic xyil ewin fariseo jun cha, yuj cha, xyaln ewin 'ixtc 'a eb' scuywum Jesús: —A jun e Cuymal tic, ¿tas yuj jun tzwa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Mt 5:20

Yuj cha, tzwal 'ayex, yowlal tojl tzeyutj e b'eyb'al 'a yib'n̈ sb'eyb'al eb' cuywjum 'a ley yic Moisés yet' eb' fariseo. Toto ma'ay, ma'oj eyoch 'a yol sc'ab' jun 'aj satchan̈ chi jun xo.

Pr 26:5

'Icha wal spaxtin junc may snab'en cha, 'ixta tzeyutj ta'wc e b'a 'a 'a, smoj yalx 'ixta', sec 'oj yojcoc 'eli to may snab'en.