Mt 14:31 - Chuj San Sebastian Bible

³¹ Yajn̈j wal cha, xwul 'och yamnjoc Jesús 'a sc'ab', 'ix yaln 'ixtc 'a 'a: —Ach tic jab' wal tza'ch a c'ojl 'a Dios. ¿Tas yuj xa chab'c'ojlej a b'a? xchi 'a 'a.

Chuj San Mateo Bible

³¹ Yed'n̈ej chi', ix b'at yamji sc'ab' vin̈ yuj Jesús, ix yalan d'a vin̈: —A ach tic, te jab'n̈ej tzin ac'och d'a a c'ool. ¿Tas yuj tzac' chab'c'olal? xchi d'a vin̈.

Mt 14:31 Referans Kwoze

Salmos 138:7

Mamin Jehová, yic 'ayn 'ec' 'a scal xiwc'ojlal, ach ton wal xac' in q'uinal, 'a' cot a poder 'ayin, sec tzin colchj 'el 'a yowl sc'ojl eb' 'ajc'ojl yajch 'ayin.

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mr 5:41

'Ix 'och yamn 'a sc'ab' 'ix 'unn cha, xyaln 'ixtc 'a 'ix: —Talita cumi, xchi. Tzyal 'el'chi: Ach 'ix 'unin, an tzwal 'ayach, q'uen̈ wa'an, xchi.

Mr 1:31

'Ixta to b'i'an, xc'och 'a stz'ey 'ix, 'ix 'och yamn 'a sc'ab' 'ix, 'ix sto'n q'ue wa'an. Yajn̈j wal cha, 'ix b'ox sc'ojl 'ix yuj jun c'a'l yab'il cha, 'ix syamn 'och 'ix ya'n servil eb'.

Mt 16:8

Ax Jesús, yojtac tas wan yaln eb', yuj cha, xyaln 'ixtc 'a eb': —¿Tas yuj tzeyala to may e pan? Caw jab' wal tzeya'ch e c'ojl 'a Dios.

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

A Tas Sc'ulejnac Eb' Schecab' Jesús Hechos 4:30

'Ac' wal a poder 'ayn̈ on̈, sec 'oj b'oxc sc'ojl eb' ya'ay. A yet' Jesús tza b'o jun tzo'n̈ milagro tzch'oxn 'el a poder. A Jesús cha, Onnal, atn jun sic'b'il 'el o'oj, xchi eb' 'a Dios.

Lc 24:34

Ax eb' cha, xyaln eb' 'a eb' chawn̈ chi 'ixtic: —Wal yel xpitzw pax Cajlilec. 'Ix sch'ox sb'a 'a Simón tic, xchi eb'.

Mr 16:7

'Ixquec, 'at alc 'a Pedro yet' 'a jun tzo'n̈ xo eb' scuywum Jesús, chajtlto 'oj b'ab'l c'och eyuj 'a Galilea. Ata 'oj eyila', 'icha yaj yaln can 'ayex, xchi 'a eb'.

Mr 11:23

Q'uinloc 'ayx tzeyal 'a jun witz tic: 'Eln̈ 'a et'l tic, julb't a b'a 'a yojl a mar, q'uinloc xe chi, toto may e chab'c'ojlal, toto tzeya'ch 'a e c'ojol to 'oj 'el'choc 'icha tzeyala, wal yel 'oj b'o eyuj 'icha tzeyal cha.

Mr 1:41

Ax Jesús 'ix 'o'ch sc'ojl 'a winac, 'ix stzayn 'och sc'ab' 'a winac xyaln 'ixtic. —Tzyal in c'ojol. Tic tzach wac' b'oxoc, xchi 'a winac.

Mt 6:30

A jun tzo'n̈ te c'ultc cha, ton̈j 'ayc' te ticnec, ax q'uic'an tz'a 'a yol jorna. Wach'xam 'ixta yec' te', palta a Dios a tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

Mt 14:30

Palta ax 'ix yab'ni caw ow 'ic', 'ix xiwi. Yuj cha, wan 'ijn wal tz'ejm 'a yojl a', 'ix 'awj 'ixtic: —Mamin, col in, xchi.

Mt 14:32

Ax yic x'och eb' 'a yojl te barco cha, x'och wan jun 'ic' cha.

Mr 4:40

Xlajw cha, xyaln 'ixtc 'a eb' scuywum cha: —¿Tas yuj tzex caw xiwi? ¿Tas yuj matz eya'ch wal e c'ojl 'a Dios? xchi 'a eb'.