Mt 14:27 - Chuj San Sebastian Bible

²⁷ —Te'n tzeyutj e b'a. An Jesús in. Man̈ ex xiwoc, xchi 'a eb'.

Chuj San Mateo Bible

²⁷ Palta ix yal Jesús d'a eb': —Tec'an tzeyutej e b'a. A in. Man̈ ex xivoc, xchi d'a eb'.

Mt 14:27 Referans Kwoze

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Tas Sc'ulejnac Eb' Schecab' Jesús Hechos 23:11

Ax 'a jun 'ac'wl cha, 'ix wul sch'oxnc sb'a Cajlilec 'a Pablo cha, 'ix yaln 'ixtc 'a 'a: Pablo, man̈ ach 'och 'il, 'icha xotj aln 'el wab'xil 'a Jerusalén tic, 'ixta 'oj otc aln 'el 'a Roma, xchi Cajlilec 'a 'a.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:4

¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Jn 6:20

Palta xyaln 'a eb' 'ixtic: —An Jesús in. Man̈ ex xiwoc, xchi 'a eb'.

Mt 17:7

Yuj cha, xc'och Jesús 'a stz'ey eb'. 'Ix stzayn 'ejm sc'ab' 'a yib'n̈ junjn eb'. —Q'uen̈ec wa'an, man̈ ex xiwoc, xchi 'a eb'.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Lc 1:30

Xlajw cha, xyaln pax 'a 'ix 'ixtic: —María, man̈ ach xiwoc, yujto til wal swach'c'ojlal Dios tzyac' 'ayach.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Mt 28:10

'Ix yaln 'a eb' 'ixtic: —Man̈ ex xiwoc, 'ixquec 'at alc 'a eb' wu'tac yet' 'a eb' wanab', to tz'at eb' 'a Galilea, yujto atta 'oj in yil eb', xchi 'a eb' 'ix.

Lc 2:10

Palta xyaln jun ángel chi 'a eb' 'ixtic: —Man̈ ex xiwoc, yujto 'ay jun wach' 'ab'x tzwul wal 'ayex. Yu'uj caw 'oj jawc stzaljc'ojlal smasnil 'anma'.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Mt 14:28

Ax Pedro 'ix aln 'ixtc 'a 'a: —Mamin, toto yel a 'ach, 'awtj in 'at et'oc, sec tzin b'eyt 'a yib'n̈ a', yic tzin c'och 'ayach, xchi 'a 'a.

Mt 28:5

Ax jun ángel cha, 'ix yaln 'ixtc 'a eb' 'ix 'ix cha: —Man̈ ex xiwoc, wojtac wan e sayn 'ec' Jesús, atn jun x'ajx 'och 'a spenc culus.

Mr 6:50

yujto xyil eb' smasnil, ton̈j 'ix xiw chan̈ eb'. Palta xyaln Jesús 'a eb' 'ixtic: —Te'n tzeyutj e b'a, an Jesús in, man̈ ex xiwoc, xchi.

Lc 5:10

An̈jtona', 'ixta pax Jacobo yet' Juan, atn eb' yunnal Zebedeo, yitb'eym sb'a eb' yet' Simón cha. Caw 'ix sat sc'ojl eb' yilni. Palta xyaln Jesús 'a Simón chi 'ixtic: —Man̈ ach xiwoc; 'icha tzotj a yamn no chay tic, 'ixta 'oj otc e'n cot eb' 'anma 'ayin, xchi 'a 'a.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.