Mt 13:51 - Chuj San Sebastian Bible

⁵¹ Xlajw cha, 'ix sc'anb'n 'ixtc 'a eb' scuywum: —¿Tzam nachj 'el jun tzo'n̈ tic smasnil eyu'uj? xchi 'a eb'. —N', xnachj 'el cuj on̈ Mamin, xchi eb' 'a 'a.

Chuj San Mateo Bible

⁵¹ Ix lajvi chi' ix sc'anb'an Jesús d'a eb' sc'ayb'um: —¿Tzam nachajel juntzan̈ tic smasanil eyuuj? xchi d'a eb'. —Snachajel cuuj Mamin, xchi eb' d'ay.

Mt 13:51 Referans Kwoze

Mr 4:34

Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Mr 7:18

'Ix yaln 'ixtc 'a eb': —¿Tom matz nachj 'el pax eyuj ax tic? ¿Tom man̈ eyojcoc to a tas tz'och 'a qui ti', matz tac' tzon̈ juwc 'el yuj 'a sat Dios?

Mt 24:15

Palta 'ay jun win yajb'il yuj Dios, a 'oj 'a'nc juwc 'el jun tzo'n̈ tas. A Daniel win schecb' Dios pecti', a aljnac can yuj jun cha. A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a yol yatut Dios,

Mt 16:11

A yic xwaln 'ayx yuj yich span ewin fariseo yet' yich span ewin saduceo, ¿tas yuj ma'ix nachj 'el eyu'uj, tas tzyal 'el'chi? A e nani to a jun tzo'n̈ caw pan xwala, xchi 'a eb'.

Mt 15:17

¿Tom man̈ eyojcoc a tas tz'och 'a qui ti', a 'a qui c'ojl tzc'ochi? Yajn̈ej tz'elx can muc'uc.

Mt 13:50

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui, xchi Jesucristo.

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.