Mt 13:45 - Chuj San Sebastian Bible

⁴⁵ A eb' tz'och 'a yol sc'ab' Dios 'aj satcha'an̈, lajn eb' 'icha junc chon̈wjum, tz'ec' sayc' jun tzo'n̈ q'uen ton̈ caw chan̈ stojol, perla sb'i.

Chuj San Mateo Bible

⁴⁵ A b'aj tz'och eb' anima d'a yol sc'ab' Dios aj satchaan̈, lajan icha junoc manvajum tzec' sayan juntzan̈ q'uen ton̈ te caro stojol, perla sb'i.

Mt 13:45 Referans Kwoze

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Job 28:18

A jelnal, yel xo wal nib'b'il 'a yib'n̈ q'uen coral; 'ec'b'al yel'ch 'a yib'n̈ q'uen cristal yet' 'a q'uen perla.

Mt 13:24

'Ix yaln Jesús junx 'ab'x tic 'a eb' scuywum: —'Oj wal 'ayex chajtl 'oj 'aj eb' 'anma yic 'oj wach' 'och jun 'aj satchan̈ yajlil. Q'uinloc 'ay junc winc stzic 'ejm yin̈t caw wach' 'a slu'um.

Mt 22:5

Yuj cha, x'at yalnc ewin schecb' cha. Palta ax eb' 'awtb'il cot cha, toxn ma'ix syiclj eb' scoti. 'Ay eb' x'at yil smunljel, 'ay pax eb' x'at yilcn schon̈.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Ec 12:8

An alm in 'el 'ab'x tic, an tzwal jun 'ejm xo: to a smasnil jun tzo'n̈ tic, may xon jac yel'chi.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Mt 13:46

Q'uinloc 'ay junc caw wach' tzchax yu'uj, caw chan̈ stojol. To 'ixta', tzchon̈l smasnil tas 'ay 'a 'a, tzmann yico'oc jun perla cha.