Mt 13:24 - Chuj San Sebastian Bible

²⁴ 'Ix yaln Jesús junx 'ab'x tic 'a eb' scuywum: —'Oj wal 'ayex chajtl 'oj 'aj eb' 'anma yic 'oj wach' 'och jun 'aj satchan̈ yajlil. Q'uinloc 'ay junc winc stzic 'ejm yin̈t caw wach' 'a slu'um.

Chuj San Mateo Bible

²⁴ Ix yalan junxo ab'ix tic Jesús d'a eb' sc'ayb'um: —Ol val d'ayex chajtil tz'aj yoch eb' anima d'a yol sc'ab' Dios aj satchaan̈. Lajan icha junoc vin̈ ix tzicanem yin̈at trigo te vach' d'a sat sluum.

Mt 13:24 Referans Kwoze

Mt 25:1

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel, x'at schanc eb' sjaw win tznupn cha.

Mt 20:1

'Ix yaln Jesús 'a eb' scuywum 'ixtic: —'Oj wal 'ayex tas tz'aj eb' 'anma yoch 'a yol sc'ab' Dios 'aj satcha'an̈. A 'a jun 'el, 'ay jun patron̈, 'ayt sacb'i sq'ue wa'an, x'at saync jaywn̈ smajn tzch'inn 'el te uva.

Mt 13:47

'Oj wal junx 'ab'x tic 'ayex, chajtl 'oj 'aj eb' 'anma yic 'oj wach' 'och Dios 'aj satcha'an̈ yajlil. Q'uinloc 'ay junc chim yamlab' chay, tz'ajx 'ejm 'a yojl a a', til wal junjn c'aj no chay chi tzcan 'a yojl ch'an̈.

Mt 22:2

'Oj wal 'ayex, chajtl tz'aj eb' 'anma yoch 'a yol sc'ab' jun 'aj satcha'an̈. 'Ay jun rey xya'ch sq'uin̈ jun yunnal yic tznupni.

Mt 13:37

Yuj cha, xyaln 'a eb' 'ixtic: —A jun tzicm 'in̈t caw wach', tzyal 'el'chi, an ton 'Ochnc in 'Anmal tic.

Lc 13:20

'Ix yaln pax Jesús junx tic: 'Oj wal junx 'ab'x tic 'ayex, chajtl tz'aj sq'uib' sb'isl eb' 'anma tz'och 'a yol sc'ab' Dios.

Lc 13:18

'Ix yaln pax Jesús 'ixtc 'a eb': ¿Chajtl am tz'aj sq'uib' sb'isl eb' 'anma tz'och 'a yol sc'ab' Dios tze na'a? 'Oj wal jun 'ab'x tic eyab' nab'an:

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

A Sb'ab'el Carta San Pedro 1:23

Yujto 'aljnacn̈ec xo 'a scha'ejmal. Man̈oc 'a qui mam qui nun, on̈ 'aljec paxi, yujto chamlb'an̈j yaj eb'. Palta yujn̈ej spaxti Dios on̈ 'aljec, yujto 'aj q'uinl yaji. A spaxti tic, 'ayc'n̈ej 'a jun 'ejmn̈ej.

Mt 13:31

Xlajw cha, xyaln pax Jesús junx 'ab'x tic: —'Oj wal 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha sq'uib' junc 'in̈t rechiwo tzyawj junc winc 'a slu'um.

Mt 18:23

'Oj wal 'ayex, chajtl 'oj 'aj eb' 'ayx 'och 'a yol sc'ab' Dios 'aj satcha'an̈. Q'uinloc 'ay jun rey tzb'o yaj scuenta eb' smoso.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 21:33

'A'c 'och e chicn 'a junx 'ab'x tic 'oj wal 'ayex. 'Ay jun winc 'ix 'awn jun tzo'n̈ uva 'a slu'um. 'Ix smacn scol-lal. Sb'on jun te'lab' 'el yal uva cha. 'Ix sb'on pax q'ue jun yet'l eb' tan̈m uva chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

A Scarta San Pablo D'a Eb' Aj Colosas 1:5

'Ixta tzeyutj e b'a, yujto wan e tan̈wni jun eyic molb'il 'a satcha'an̈. Atxo 'a yic eyab'n jun wach' 'ab'x caw yel, eyamn 'och eya'n 'och jun chi yipc e c'ojol.

Ez 17:2

Ach 'anma', al jun 'ab'x tic 'a eb' et israelal.

Is 28:13

Yuj cha, a spaxti Jehová 'a eb' chuc chon̈b'al, 'ay eb' 'oj alnoc yu'uj, to 'icha spaxti eb' cotc 'unin, 'ixta yaj jun tzo'n̈ cuynb'il chi 'a eb', junn̈j tas tzyala, junn̈j b'eyb'al tzyala, junn̈j pax checnb'ilal tzyala. Yuj cha, a 'oj 'a'nc telwc eb', 'oj lajwc eb', ax syamchj eb' yuj 'icha junc ya'al.

Is 28:10

¿Tom an̈ tic 'oj on̈ scuyu'? 'in junn̈j cuynb'ilal tzyala, junn̈j b'eyb'al tzyala, junn̈j checnb'il tzyala, xchi eb'.

Mt 13:25

Ax 'a junc 'ac'wal, waync winac, xc'och jun 'ajc'ojl yajch 'a win 'a jun slum cha, xit' stzicnc can 'ejm jun tzo'n̈ 'ac trigo 'a scal strigo win cha.