Mt 12:39 - Chuj San Sebastian Bible

³⁹ Yuj cha, xyaln 'ixtc 'a ewinac: —A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Ton̈j tze c'an eyil junc milagro, junc tzch'oxn spoder Dios. Palta cojxn jun milagro 'oj 'ajxoc eyila', atn jun 'icha sch'ojxnac Dios yet' jun schecb' Jonás sb'i.

Chuj San Mateo Bible

³⁹ Yuj chi' ix yalan d'a eb' vin̈: —A ex d'a jun tiempoal tic, malaj e vach'il, man̈oc d'a Dios tzeyac'och e pensar. Ton̈ej tze c'an eyil junoc milagro, junoc sch'oxan spoder Dios. Palta a junoc milagro ol ch'oxjoc eyila', aton jun icha sch'oxnac Dios yed' jun vin̈ schecab' scuchan Jonás.

Mt 12:39 Referans Kwoze

Mt 16:4

A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Yuj cha, ton̈j tze c'an eyil junc milagro, junc tzch'oxn spoder Dios. Palta cojn jun milagro 'oj 'ajxoc eyila', atn jun 'icha sch'oxjnac Dios yet' win Jonás, xchi 'a eb'. Xlajw cha, xyactn can eb', 'ix 'atxi.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Is 57:3

A Dios 'ix aln 'ixtic: Ax tze b'o maysch'onil, cotn̈ec 'ayin to 'oj ex in b'eyc'ojloc. Ax tic xlaj e b'eylb'ej sb'eyb'al eb' 'ajchum yet' eb' tzb'on 'ajmulal.

A Ch'an̈ Schab'il Libro Yic Yab'ixal Eb' Rey 14:25

'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

Jonás 1:1

'Ay jun winc Jonás sb'i, yunnal Amitai, 'ix paxtin Jehová 'a 'a, 'ix yaln 'a 'ixtic:

Mr 8:12

Ax Jesús, si'sni sjaw sc'ojol, 'ix yaln 'ixtic: —Ax tic, ¿tas yuj tze c'an eyil junc milagro 'ayin? Wal yel tzwal 'ayex, may junc milagro 'oj ch'oxxoc eyila', xchi Jesús.