Mt 12:31 - Chuj San Sebastian Bible

³¹ Yuj cha, tzwal 'ayex, tzann̈j smul eb' 'anma', tzann̈j b'uchwal paxti tzyal eb', 'oj stac' yajx lajwc yuj Dios. Palta a mach tzb'uchwj 'a Yespíritu Dios, a jun smul eb' cha, toxn ma'oj 'ajxc can lajwoc.

Chuj San Mateo Bible

³¹ Yuj chi', sval d'ayex, yalxon̈ej tas smul eb' anima, yalxon̈ej tas malaj svach'il syal eb', ol yal yac'ji lajvoc yuj Dios. Palta a eb' sb'uchvaj d'a Yespíritu Dios, man̈xo ol ac'joclaj nivanc'olal eb'.

Mt 12:31 Referans Kwoze

Lc 12:10

Tzann̈j mach tzaln maysch'olnil 'a in patc an 'Ochnc in 'Anmal tic, 'oj stac' yajx can lajwc smul eb' cha. Palta a mach tzb'uchwj 'a Yespíritu Dios, a jun smul eb' cha, toxn ma'oj 'ajxc can lajwoc.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 10:26

A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

A Ch'an̈ Carta D'a Eb' Hebreo 6:4

An̈ec tic, 'ac'b'ilx sacq'uinl 'a qui pixnec. Tox 'ix qui chajec jun siylab' caw wach' 'a Dios, yujto cajn 'och Yespíritu 'ayn̈ junjn on̈ec.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.