Mt 12:15 - Chuj San Sebastian Bible

¹⁵ A yic xyojcan 'el Jesús tas tznib'j ewin xyutej, 'ix yi'n 'el sb'a ta'. Til wal 'anma x'at yet'oc. Jantcn̈ej eb' ya'ay, c'uxn xb'ox can sc'ojl eb' yu'uj.

Chuj San Mateo Bible

¹⁵ Ayic ix snaanel Jesús tas sgana eb' syutej, ix sb'esanel sb'a ta'. Tzijtum anima ix b'at yed'oc. Masanil eb' penaay, ix laj b'oxican sc'ool eb' yuuj.

Mt 12:15 Referans Kwoze

Mt 10:23

A yic tzya'n eb' stul 'ayx 'a junc chon̈b' 'aj 'ayx 'eq'ui, tzex 'at 'elc 'a junc xo chon̈ab'. Wal yel tzwal 'ayex, a yic mantzac ex lajw 'ec' 'a smasnil jun tzo'n̈ schon̈b' eb' quit israelal, ax in japx an 'Ochnc in 'Anmal tic.

Jn 11:54

Yuj cha, man̈xtzac 'ec' Jesús 'a scal eb' 'aj Judea cha. 'Ix yi'n 'el sb'a 'a jun lugar cha. 'Ix 'at 'a jun chon̈b' Efraín sb'i 'ay 'a sti lum cusltac lu'um. Ata x'och wan yet' eb' scuywum cha.

Jn 7:1

Xlajw cha, 'ix b'eyc' Jesús 'a yol yic Galilea. Ax 'a yol yic Judea, ma'ix snib'j 'ec' sb'a ta', yujto a ewin 'aj Judea cha, tznib'j ewin smil chamoc.

Mt 19:2

Caw niwn 'anma x'och tza'n yu'uj. Xya'n can b'oxc sc'ojl eb' ya'ay ta'.

Mr 6:56

Tzann̈j 'ajtil x'eq'ui, 'a chon̈ab' yet' 'a 'ajtc 'ay 'anma', 'ix laj 'ijx 'elt eb' ya'ay 'a yoltc caye. 'Ix tew 'och eb' 'a Jesús, sec tzaych eb' jac sc'ab' 'a sti spichul. A jantcn̈ej eb' xlaj stzaych sc'ab' 'a spichl cha, 'ix b'ox can sc'ojl eb' yu'uj.

A Sb'ab'el Carta San Pedro 2:21

On̈ yawtjec 'och Dios yico'oc, sec tzcab'c syal yuj qui wach' b'eyb'alec tic. Yujto a Cristo, yab'jnac syal cujec. 'Ixta yutjnac sch'oxn swach' b'eyb'al 'ayn̈ec, sec a tzqui b'eylb'ejec.

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Jn 9:4

Yowlal tzin b'o smunljel jun mach checjnacn coti, ya' sb'a 'ayt c'u. Yujto a yic tox x'at c'u, man̈x 'a mach tztac' smunlji.

Lc 6:12

A 'a jun tiempoal cha, 'ix 'at Jesús leslwoc 'a jun tzalan. Jun 'ac'wl 'ix leslwi 'a Dios ta'.

Lc 5:22

Palta ax Jesús, yojtac tas wan snan ewinac, yuj cha, xyaln 'ixtic: —¿Tas yuj wan e nan jun tzo'n̈ tic 'ixtic?

Lc 9:11

Palta xyojcan 'el eb' 'anma', to tz'at ta'. Yuj cha, tza'n xoj xlaj 'at eb' yu'uj. Ax Jesús, 'ix schan sjaw eb' 'a 'a. 'Ix yaln 'el 'a scal eb', chajtl tz'aj eb' yoch 'a yol sc'ab' Dios, xya'n b'oxc can pax sc'ojl eb' ya'ay.