Mt 11:6 - Chuj San Sebastian Bible

⁶ Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Chuj San Mateo Bible

⁶ Yuj chi' a eb' tzin ac'anoch yipoc sc'ool, te vach' yic eb'. Icha chi' tzeyutej eyalan d'a vin̈aj Juan chi' a tzex c'ochxi, xchi Jesús chi' d'a eb' vin̈.

Mt 11:6 Referans Kwoze

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

Mt 26:31

Ata xyal Jesús 'ixtc 'a eb': —A 'a jun 'ac'wl tic, c'uxn 'oj somchjoc 'el e nab'en wu'uj. Yujto 'ixtc yaj stz'ib'x can 'a Ch'an̈ U'un̈: ¡'Oj wac' milxc cham jun 'icha yilmal in calnelu yaji, ax eb' 'icha in calnelu cha, 'oj sactzic can 'at eb'! xchi.

Jn 6:66

Yuj cha, til wal eb' scuywum chi 'ix laj meltzj pax 'a spatic. Man̈xtzac yal sc'ojl eb' jun yec' yet'oc.

Mt 24:10

A 'a jun tiempoal cha, til wal mach 'oj meltzjoc pax 'a spatic, 'oj chichnc 'och eb' 'a eb' yitb'eym xon cha. Caw 'oj ya'ch eb' chaml 'a yib'n̈ eb'.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Gl 5:11

An xo tic, ex wu'tac, ex wanab', q'uinloc an̈j 'ijnoc walni, to yowlal tz'ajx circuncidar junjn mach, to 'ixta', tecn am matz ya'ch eb' wit israelal yailal 'a wib'an̈. Q'uinloc tzwal 'ixta', ax eb' cha, matz chichn 'och eb' 'a yab'xil schaml Cristo 'a spenc culus.

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Mt 5:29

Q'uinloc 'ay ex, yuj yol e sat 'a e wach', tzjuw 'el e nab'en. To 'ixta', yel xo wach' tzeyij 'el jun yol e sat cha, tze juln can 'eli, yujto yel xo wach' jab' wal e niwnal chi tzsatcni, 'a yib'n̈ to tzex 'atcn 'a infierno yet' e niwnal smasnil. Toto 'ixta', caw maysch'olnil eyico'.

Mt 13:21

palta may ste'nal eb', matz b'ey wal tiempo yuj eb'. Yujto a yic tzjaw yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'.

Mr 6:3

Yujto a win tic josmte winac, yune 'ix María. Yu'tac sb'a yet' Jacobo, José, Judas, yet' Simón. 'Ayc' pax eb' yanb' quet'ec 'a tic, xchi eb'. Yuj cha, ton̈j 'ix somchj 'el snab'en eb' yu'uj.

Lc 7:23

A eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Jn 16:1

Tzwalcn jun tzo'n̈ tic 'ayex, sec ma'oj somchjc 'el e nab'en.