Mt 11:10 - Chuj San Sebastian Bible

¹⁰ Atn yab'xil Juan chi yaljnac can Dios 'a Ch'an̈ U'un̈, yic yaln 'ixtic: 'Oj in b'ab'l checc 'at jun in checab', sec a 'oj b'ab'l b'onc a b'e yic mantzac ach c'ochi, xchi.

Chuj San Mateo Bible

¹⁰ Aton yab'ixal vin̈aj Juan chi' yalnaccan Dios d'a Slolonel Tz'ib'ab'ilcani. Ayic ayocto yalannaccan yuj vin̈ icha tic: Ol in checb'at jun in checab', ol b'ab'laj b'at uuj. Icha tz'aj sb'o b'e, icha chi' ol yutoc sb'oan sb'eyb'al eb' anima, ayic manto ach c'ochi, xchican d'a Slolonel Dios chi'.

Mt 11:10 Referans Kwoze

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Is 40:3

'Ay jun 'aw tz'ochi, tzyaln 'ixtic: B'oc junc sb'e Jehová 'a cusltac lu'um, caw tojl tzeyutj e b'on junc b'e 'a qui Diosal 'a lum lum to may tas 'ay 'a 'a.

Malaquías 4:5

'Ab'tec, 'oj in b'ab'l checc cot in checb' Elías, yic mantzac jaw jun c'u yic 'oj checljoc chan̈ yowl in c'ojol. A jun c'u cha, caw niwn yel'chi, 'ay xo smay tas 'oj ujoc.

Mr 1:2

A jun schecb' Dios Isaías sb'i, a tz'ib'jnac can 'a Ch'an̈ U'un̈, yic yaln can Dios 'ixtic: 'Oj in b'ab'l checc 'at jun in checb' 'ayach, sec a 'oj b'ab'l b'onc a b'e.

Jn 1:23

Yuj cha, 'ix yaln pax 'a eb' 'ixtic: —An tic, tzin 'awj 'a cusltac lu'um, tzwaln 'ixtic: B'oc junc sb'e Cajlil, caw tojl tzeyutj e b'on 'a 'a, xin chi. Yujto 'ixta yaj stz'ib'x can wab'xil yuj Isaías, atn jun schecb' Dios 'a pecti', xchi 'a eb'.

Mt 3:3

A jun schecb' Dios Isaías sb'i, 'aycto stz'ib'n can yab'xil Juan 'a Ch'an̈ Un̈ 'ixtic: 'Ay jun mach 'a cusltac lu'um, 'oj 'awjoc cha'an̈, ax yaln 'ixtic: B'oc junc sb'e Cajlil, caw tojl tzeyutj e b'on 'a 'a, 'oj schioc, xchi 'a Ch'an̈ Un̈ cha.

Mt 11:3

'Ix 'at sc'anb'noc eb' 'a 'ixtic: —¿Tom ach tic Cristo to tan̈b'il xon a jaw cuj on̈, mto tzqui tan̈wj sjaw junc xo on̈? xchi eb' 'a 'a.

Mt 11:11

Wal yel tzwal 'ayex, a 'a scal eb' 'anma 'a yolyib'n̈q'uinl tic, may junc mach 'ec'b'al yel'ch 'a yib'n̈ Juan Bautista cha. Palta ax eb' 'aych 'a yol sc'ab' Dios, wach'xam eb' caw may yel'chi, yel xo 'ec'b'al swach'l yic eb' 'a yib'n̈ yic Juan cha.

Lc 1:76

Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.