Mt 10:36 - Chuj San Sebastian Bible

³⁶ Yuj cha, a eb' jun yaj yet' junc mach 'a yol yatut, atn eb' 'oj sutmjc 'och 'ajc'ojlal 'a 'a.

Chuj San Mateo Bible

³⁶ Yuj chi', a eb' jun yaj yed' junoc mach d'a yol spat, aton eb' ol laj meltzajoch ajc'olal d'ay junjun.

Mt 10:36 Referans Kwoze

Miqueas 7:6

An̈jtona eb' 'unnab'il, tzpatquilj can 'el eb' smam, a eb' 'ix 'uneab'il, tzpitj sb'a eb' 'ix 'a snun, an̈jtona eb' 'ix 'alb'ab'il, tz'och eb' 'ix 'ajc'ojlal 'a yalib'. A eb' jun yaj 'a yol yatut, tz'och eb' 'ajc'ojlal 'a jun jun.

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Salmos 55:13

Ocxo jun, a jun 'ixta tzin 'utn cha, caw wu'lem si'mb'il, in wach'c'ojl in b'a yet'oc.

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

A Ch'an̈ B'ab'el Libro Samuel 17:28

A yic wan spaxtin David yet' jun tzon̈ winc cha, 'ix yab'n win sb'ab'l 'u'tac, atn win Eliab. Caw xcot yowl win si'mbil 'a 'a, xyaln 'a 'ixtic: —¿Tas tzwul a b'o 'a tic? ¿Mach 'ix ac' 'ilnc can jayc'otn̈ e no calnelu 'a cusltac lu'um? Wojc wal cob' a b'an̈quinal. ¡Caw tu tas 'ayc' 'a a nab'en! ¿Tas yuj ton̈j tzwul ela' tas tz'aj yoch owal? xchi.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Jn 13:8

—Palta may xon b'a'n̈ 'oj wac' a b'icl woc tic, xchi Pedro cha. —Toto matz ac' in b'icl jun, to 'ixta', toxn may aln ec wet'oc, xchi Jesús 'a 'a.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Mt 10:21

A 'a jun tiempoal cha, 'ay eb' 'u'tacab'il 'oj ya'ch yu'tac 'a yol sc'ab' chamel. 'Ay pax eb' mamb'il 'ixta 'oj yutc sb'a 'a yunnal. An̈jtona', 'ay pax eb' 'unnab'il 'oj yac' owl yet' smam, ax ya'n 'och eb' smam chi 'a yol sc'ab' chamel.