Mt 10:1 - Chuj San Sebastian Bible

¹ Ax Jesús 'ix yawtj cot eb' scuywum slajchwan̈il 'a 'a. 'Ix ya'n 'och yopiso eb' yi'n 'el ewin demonio. 'Ix ya'n pax yopiso eb' ya'n b'oxc sc'ojl eb' 'anma tzann̈j yab'ilal tz'i'ni, yet' tzann̈j yailal.

Chuj San Mateo Bible

¹ Axo Jesús ix avtancot eb' sc'ayb'um slajchavan̈il. Ix ac'ji yopisio eb' yic'anel eb' enemigo. Ix yac'anpax yopisio eb' yac'an b'oxoc sc'ool eb' yalxon̈ej tas ilyail tz'ic'ani ma yaelal.

Mt 10:1 Referans Kwoze

Lc 10:19

An xwac' e poder sec tztac' e te'n no chan yet' no sina'an. Wu'uj, tztac' eya'n ganar 'a yib'n̈ jantcn̈ej spoder win Satanás. Toxn may junc tas tztac' ex yixtni.

Lc 24:49

Ya'jnac can Dios sti', chajtlto 'ay jun 'oj 'emlc 'ayex, atn jun chi 'oj 'at in chec coti. Palta tan̈wjec 'a Jerusalén tic, masnto 'oj e cha e poder 'oj 'ajxc 'emt 'a satcha'an̈, xchi Jesús 'a eb'.

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

Jn 3:27

Yuj cha, xyaln pax 'a eb' 'ixtic: —May junc mach tztac' scomn 'och yopiso, toto man̈oc Dios tz'a'n 'a 'a.

Lc 6:13

Ax 'a sq'uin̈b'ial, xyawtn cot eb' scuywum 'a 'a. 'Ix si'n 'elt lajchwan̈ 'a scal eb', xya'n 'och yopiso eb' schecb'oc.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

A Tas Sc'ulejnac Eb' Schecab' Jesús Hechos 19:15

Palta 'ix ta'w win demonio chi 'a ewin 'ixtic: —A Jesús tzeyal cha, wojtac. Wojc pax Pablo cha. Palta ax xo tic, ¿mach ex? xchi winac.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 6:70

—Ax lajchwan̈ ex tic, an ex in si'cn 'eli. Palta 'ay jun 'a e cal, schecb' win diablo yaji, xchi 'a eb'.

Jn 3:35

Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta.

Apoc 12:1

Xlajw cha, 'ix checlj jun senya 'a satcha'an̈, caw niwn yel'chi. 'Ay jun 'ix, a c'u a 'aych spichloc. Ax 'uj a 'aych ste'nub'oc yoc, ax pax lajchwe c'anal, a 'ay q'ue scoronaoc.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mt 26:20

Ax 'a sq'uic'b'alil, 'ix 'em wocn yet' eb' scuywum cha.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mt 9:35

Ax Jesús c'uxn x'ec' 'a jun tzo'n̈ chon̈ab', yet' 'a jun tzo'n̈ aldea. 'Ix 'ec' cuywjoc 'a eb' 'anma 'a yoltc jun tzo'n̈ scapiya eb'. 'Ix yaln 'el wach' 'ab'ix, chajtl tz'aj eb' 'anma yoch 'a yol sc'ab' Dios. Tzann̈j jun tzo'n̈ yab'il tz'i'n eb' 'anma', c'uxn xlaj ya'cn b'oxc sc'ojl eb'.

Mt 9:38

Yuj cha, leslwan̈c 'a jun 'aj munljel, sec 'oj schecb't eb' smunljum 'a scal eb', xchi Jesús.