Mr 9:48 - Chuj San Sebastian Bible

⁴⁸ A 'a jun lugar cha, may b'a'n̈ 'oj lajwc yab'n eb' 'anma syal ta', ax jun c'ac' cha, may b'a'n̈ 'oj tupoc.

Chuj San Mateo Bible

⁴⁸ A d'a jun lugar chi', malaj b'aq'uin̈ ol lajvoc yab'an syail eb' anima chi' ta'. Axo jun c'ac' chi', malaj b'aq'uin̈ ol tupoc.

Mr 9:48 Referans Kwoze

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Jeremías 4:4

Ex 'aj Judá yet' ex 'aj Jerusalén, yicljec in trato. 'A'c 'och wal 'a e c'ojl eyiclni yechl in trato cha. 'Ojquejec 'eli to an ton Jehová in. Ax to laj x'aji yuj e mul cha, ax wa'n cot yowl in c'ojl 'a eyib'n̈ 'icha te c'ac' caw ow sn̈ilchji, man̈x 'a mach tztac' sma'n tupoc.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Mr 9:49

'Icha tz'aj yem yatz'mil tas tzqui c'uxu, 'ixta 'oj 'aj yajx 'ejm c'ac' 'a yib'n̈ eb' smasnil.

Lc 3:17

A jun cha, lajn 'icha junc winc tzchayj strigo, tz'el yoc 'a scal. Tzlajw schayni, tzmoln strigo chi 'a yet'ul, ax stzapil chi tzchayj can 'el cha, tzlan̈cn 'at 'a yib'n̈ jun c'ac' may b'a'n̈ tztupi, xchi Juan chi 'a eb'.