Mr 9:17 - Chuj San Sebastian Bible

¹⁷ 'Ay jun winc 'ix ta'w chan̈ 'a scal eb' 'anma cha, xyaln 'ixtic: —Mamin, 'ix wij cot jun wunnal tic 'ayach, to 'aych jun demonio 'a 'a, yuj cha, matz tac' spaxtini.

Chuj San Mateo Bible

¹⁷ Ay jun vin̈ ix tac'viq'ue d'a scal eb' anima chi': —Mamin, ix vic'cot jun vuninal d'ayach. Ayoch jun enemigo d'ay, yuj chi' max ujilaj sloloni.

Mr 9:17 Referans Kwoze

Lc 11:14

A 'a jun 'el, 'ay jun winc 'aych jun demonio 'a 'a, matz tac' xon spaxtin win jac yu'uj. Ax Jesús, a 'ix 'i'n 'el jun demonio chi 'a winac. A yic x'el 'a winac, tzax stac' spaxtin winac. Yuj cha, caw 'ix sat sc'ojl eb' 'anma yu'uj.

Mr 9:25

Ax 'ix yiln Jesús, til wal 'anma wan syamn sb'a, yuj cha, 'ix tumwj 'a jun demonio chi 'ixtic: —Ach demonio 'a'm chacn̈il, macm sti 'anma', tzwal 'ayach, 'eln̈ 'a jun 'unn tic, man̈x ach 'och jun 'ejm xo 'a 'a, xchi Jesús.

Jn 4:47

'Ix yab'n winac, to 'ix cotx Jesús 'a Judea, 'ix c'ochx 'a Galilea cha. Yuj cha, x'at sc'umnoc winac. 'Ix tew 'och wal win 'a 'a, sec toq'ue tz'at Jesús yet' win 'a yatut, tz'at ya'n b'oxc sc'ojl jun yunnal win cha, yujto caw jab'xoj schami.

Lc 9:38

Ax 'a scal eb', 'ay jun winc 'ix 'awj chan̈ 'ixtc 'a 'a: —Mamin, tzin tew wal 'ayach, comnoc tzel jun wunnal, yujto cojn jun wunnal cha.

Mr 10:13

Xlajw cha, 'ay jun tzo'n̈ 'unn 'ix yij cot eb' 'anma 'a Jesús, sec tzyab't sc'ab' 'a sjolm eb', palta ax eb' scuywum xtenn 'och wan eb' tz'i'n cot eb' 'unn cha.

Mr 7:26

A jun 'ix cha, man̈ israeloc, 'aj Sirofenicia 'ix, 'ix tew 'och 'ix 'a Jesús, sec toq'ue tzyij 'el jun demonio 'a 'ix yune 'ix cha.

Mr 5:23

caw 'ix tew 'och win 'a 'a, 'ix yaln win 'ixtic: —Caw jab'xoj pitzn jun wisil, con̈ wet'oc, tz'at a tzaych a c'ab' 'a 'unix, sec 'oj b'oxoc, yic wach' ma'oj chamoc, xchi win 'a 'a.

Mt 17:15

—Mamin, comnoc tz'o'ch a c'ojl 'a jun wunnal, to caw tzcot owya 'a sjolom, caw tzyab' syal yu'uj. Til wal 'ejm tz'at 'a yib'n̈ c'ac' yu'uj, yet' a yol a'.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Mt 9:32

Wanto s'at eb', 'ix 'ijx cot junx winc 'a Jesús. A win cha, matz uj spaxtini, yujto 'aych jun demonio 'a 'a.

Mr 9:16

A yic xc'och eb' 'a stz'ey, 'ix sc'anb'n 'ixtc a eb': —¿Tas yuj tze tej e b'a yet' eb'? xchi 'a eb'.

Mr 9:18

Tzann̈j 'aj tzcot 'a 'a, caw tzicx telwc yu'uj, tzjaw swom sti', tzjuch'ch'i ye, caw wan sb'acb' 'el yu'uj, 'ix cob' wal 'a eb' a cuywum to tzyij 'el eb', palta ma'ix stac' yuj eb', xchi win 'a Jesús.