Mr 8:26 - Chuj San Sebastian Bible

²⁶ Xlajw cha, 'ix schecn pax win 'a yatut, 'ix yaln 'a win 'ixtic: —Man̈ ach 'ec' 'a yol chon̈ab', xalt jun tic 'a junc mach ta', xchi Jesús 'a winac.

Chuj San Mateo Bible

²⁶ Ix lajvi chi', ix checji pax vin̈ d'a spat yuuj. Ix yalan d'a vin̈: —Man̈ ach ec' d'a yol chon̈ab'. Ayta mach b'aj tzal jun tic, xchi Jesús d'a vin̈.

Mr 8:26 Referans Kwoze

Mt 8:4

Xlajw cha, xyaln pax 'a winac: —'Ab'i, 'ayt 'aj xal-l jun tic. Palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés. 'Ixta 'oj 'aj scheclj 'eli, chajtlto ach b'ox cani, xchi Jesús 'a winac.

Mr 8:23

Ax Jesús cha, 'ix 'och yamn 'a sc'ab' winac, 'ix squetzn 'at win 'a sti 'el chon̈ab', 'ix sucn 'och jab' stzub' 'a yol sat winac, 'ix stzayn 'och sc'ab' 'a 'a, xlajw cha, 'ix sc'anb'ni, toto tzax yil win jab'oc.

Mr 7:36

Xlajw cha, 'ix cham wal yaln pax Jesús 'a eb' 'anma cha, to may 'aj tzyal-l eb' jun cha. Palta ax yic xyaln jun tic 'a eb', yel xo wal swach' alj 'el eb'.

Mr 5:43

Palta 'ix cham wal yaln Jesús 'a eb', to may 'aj tzyal-l eb' jun cha, 'ix yaln 'a eb', to tzyac' wa eb' 'ix.

Mt 12:16

'Ix yaln 'ixtc 'a eb': —May junc mach 'aj tzeyala mach in, xchi.

Mt 9:30

'Ixta to b'i'an, xjacw sat eb'. Tztac' xo yiln eb'. Yuj cha, xcham wal yaln 'ixtc 'a eb': —'Ab'ec, may junc mach 'aj tztac' eyaln jun tic, xchi.

Mr 8:25

Yuj cha, 'ix squiln 'och Jesús sc'ab' 'a yol sat winac, 'ixta to b'i'an, xwach' jacw yol sat winac, caw wach'x yiln win si'mb'il.