Mr 8:22 - Chuj San Sebastian Bible

²² Xlajw cha, xjapx eb' 'a chon̈b' Betsaida. Ax eb' 'anma 'ix quetzn cot jun winc matz uj yiln 'a Jesús, 'ix tew 'och eb' 'a 'a, sec tzaych sc'ab' 'a winac.

Chuj San Mateo Bible

²² Ix lajvi chi', ix c'och eb' d'a chon̈ab' Betsaida. Ay jun vin̈ max uji yilani, ix quetzchajb'at vin̈ d'a Jesús yuj eb' anima. Ix tevi eb' d'a Jesús chi' to syamji vin̈ yuuj.

Mr 8:22 Referans Kwoze

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Mr 6:45

Xlajw cha, xyaln Jesús 'a eb' scuywum to tz'ochx eb' 'a yojl te barco, sec tzb'ab'l c'axw can pax 'ec' eb' 'a junx sc'axpil 'ec' a a cha, 'ix c'och eb' 'a chon̈b' Betsaida. Ax Jesús 'ix cani, yic tzyaln can sb'a eb' 'anma cha.

Lc 10:13

A wal ex 'aj Corazín, caw 'oltac ex, yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix am snajnac sb'a eb' 'anma cha. Tox am xya'ch eb' jun tzo'n̈ pichl n̈achtac, yet' stan̈l c'ac' tzyac' q'ue eb' 'a sjolom, sec tzcheclji, to caw tzcus eb' yuj smul.

Jn 12:21

A eb' cha, 'ix c'och eb' 'a Felipe 'aj Betsaida 'a yol yic Galilea. 'Ix yaln eb' 'a 'ixtic: —Ach winac, tzqui nib'j tzquil Jesús on̈, xchi eb'.

Jn 1:44

A Felipe cha, 'aj chon̈b' Betsaida. 'Ixta pax Andrés yet' Pedro, junn̈j schon̈b' eb'.

Mr 2:3

'Ay jun win sicb'nac 'eli, 'ix 'ijx cot yuj chan̈wn̈ eb' winac.

Mt 8:15

Yuj cha, x'och yamn Jesús 'a sc'ab' 'ix. Yajn̈j wal cha, 'ix sicb' jun c'a'l yab'il chi 'a 'ix. Xq'ue wan 'ix, syamn 'och 'ix ya'n servil eb'.

Mt 9:29

Yuj cha, 'ix stzayn 'och sc'ab' 'a yol sat eb'. 'Ix yaln 'ixtc 'a eb': —'Icha tzeyutj eya'n 'och 'a e c'ojl tic, 'ixta 'oj 'aj sb'o 'ayex, xchi.

Mt 8:3

Yuj cha, stzayn 'och Jesús sc'ab' 'a winac, 'ix yaln 'ixtic: —Tzyal in c'ojol. Tic tzach wac' b'oxoc, xchi 'a winac. Yajn̈j wal cha, xb'ox can sc'ojl winac.

Lc 9:10

Ax yic xlaj japx eb' schecb' Jesús, xlaj yalnc eb' 'a 'a, tastc x'ec' laj sb'o junjn eb'. Xlajw cha, 'ix yi'n 'at eb' yet'oc. 'Ix c'och eb' yet' sch'ocj 'a jun lugar 'a sla'nil chon̈b' Betsaida.

Mt 14:36

'Ix sc'ann eb' syam jac sti spichul. Tzann̈j eb' xyamni, 'ix b'ox can sc'ojl eb' yu'uj.

Mr 3:10

Caw niwn eb' tox 'ix b'ox sc'ojl yu'uj, yuj cha, til to wal eb' ya'ay 'ix syam sb'a, yic tzayn 'och eb' sc'ab' 'a 'a.