Mr 8:2 - Chuj San Sebastian Bible

² —Caw tz'o'ch in c'ojl 'a eb' 'anma tic, yujto yoxl xo c'u 'ayc' eb' wet' 'a tic, palta man̈x 'a tas tzc'ux eb'.

Chuj San Mateo Bible

² —A in tic, tz'oc' in c'ool yuj juntzan̈ eb' anima tic, yujto chab'jitax ix javican eb' ved' d'a tic, palta man̈xalaj tas sva eb'.

Mr 8:2 Referans Kwoze

Mt 9:36

A yic x'och q'ueln 'a eb' 'anma cha, 'ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, caw 'aych eb' 'a syailal, caw cusc'ojlal yaj eb'.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Salmos 145:15

Tan̈b'il yuj smasnil 'anma', janc' tzac' tas tzc'ux eb' 'a 'icha yorail.

Salmos 103:13

'Icha wal yo'ch sc'ojl junc mamb'il 'a yunnal, 'ixta yo'ch sc'ojl Jehová 'a 'ayn̈ an̈ yiclum on̈c 'a 'a.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.

Lc 7:13

Yic 'ix yiln Cajlil jun 'ix cha, 'ix 'o'ch sc'ojl 'a 'ix, 'ix yaln 'ixtc 'a 'ix: —Man̈ ach 'oc'oc, xchi.

Mr 9:22

Til wal 'ejm tz'at 'a yib'n̈ c'ac' yu'uj yet' 'a yol a', sec toq'ue tzcham yuj snani. Yuj cha, toto tztac' o'oj, 'o'ch cab' a c'ojl 'ayn yet'oc. Colwjan̈ e'n 'el 'a in c'ana', xchi winac.

Mr 6:34

Ax yic x'elt Jesús 'a yojl te barco cha, 'ix yilni til wal 'anma 'ayx 'ec' ta'. 'Ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, yuj cha, 'ix syamn 'och scuywj 'a eb'.

Mr 5:19

Palta xyaln 'ixtc 'a winac: —Paxn̈ 'a atut 'a 'aj 'ay eb' ecan, tzal 'ixtc 'a eb': Man̈ jantcoc tas 'ix sb'o Cajlil 'ayin, caw x'o'ch sc'ojl 'ayin, xa chi, xchi Jesús 'a winac.

Mr 1:41

Ax Jesús 'ix 'o'ch sc'ojl 'a winac, 'ix stzayn 'och sc'ab' 'a winac xyaln 'ixtic. —Tzyal in c'ojol. Tic tzach wac' b'oxoc, xchi 'a winac.

Mt 20:34

Yuj cha, 'ix 'o'ch sc'ojl Jesús 'a eb', 'ix stzayn 'och sc'ab' 'a yol sat eb', yajn̈j wal cha, xjacw sat eb', xlajw cha, x'och tza'n eb' yu'uj.

Mt 14:14

Ax yic 'ix 'elt Jesús 'a yojl te barco cha, 'ix yilni til wal eb' 'anma 'ayx 'ec' pax ta'. Yuj cha, x'o'ch sc'ojl 'a eb', 'ix ya'n b'oxc sc'ojl jun tzo'n̈ eb' ya'ay x'ijx cot 'a 'a.

Salmos 145:8

Mamin Jehová, caw wal wach' a nab'en, tz'o'ch pax a c'ojol. Man̈ comnoc tzcot owal, yujto 'ay a chamc'ojlal.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

Mr 6:32

Ax Jesús 'ix 'och 'a yol jun barco yet' eb' scuywum, sch'ocj eb' x'at 'a 'aj may 'anma'.

Mr 8:3

Toto may tas 'oj sc'ux eb', tzin checn pax eb' 'a yatut, tecn 'oj sicb'c 'el eb' 'a yol b'e, yujto 'ay eb' najt 'ay, xchi 'a eb' scuywum cha.

A Ch'an̈ B'ab'el Libro Yic Yab'ixal Eb' Rey 19:6

Ax xyiln sb'a Elías cha, to a 'a stz'ey 'a sjolmtac, ata 'ayc' jun 'ixm niwquil wal ton̈j b'olb'il 'a stzac'ac' yet' jun xalu a a', yuj cha, 'ix q'ue wa'an, 'ix wa'i xyu'n a a cha, xlajw cha, 'ix wayxi.