Mr 5:40 - Chuj San Sebastian Bible

⁴⁰ Palta ton̈j 'ix tzetzj eb'. Ax yic xlajw yel eb' 'anma chi yu'uj, 'ix yi'n 'och smam snun 'ix, yet' eb' 'ayc' yet'oc, 'ix 'ochch eb' 'a 'aj 'ayc' 'ix 'unn cha.

Chuj San Mateo Bible

⁴⁰ Palta ton̈ej ix tzevaj eb'. Axo ix lajvi yelta eb' anima chi' yuuj, ix yic'anoch smam snun ix, yed' eb' ajun yed'oc. Ix ochc'och eb' b'aj ayec' ix unin chi'.

Mr 5:40 Referans Kwoze

Nehemías 2:19

Palta ax yic xyab'n Sanbalat yet' Tobías cha, yet' pax Gesem win árabe, caw 'ix b'uchjw eb' 'ayn̈ on̈, man̈x 'a quel'ch 'a eb' on̈, xyaln eb' 'ixtic: —¿Tas 'oj e b'o'? ¿Tom tze nib'j tzeyac' tu nab'enal 'a win rey? xchi eb'.

A Ch'an̈ Schab'il Libro Yic Yab'ixal Eb' Rey 4:33

Yuj cha, 'ix 'och 'a yojl jun cuarto cha, smacn 'elt spuertail, 'ix leslwi 'a Jehová.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Salmos 22:7

A eb' tzin 'ilni ton̈j tzin sb'uch eb', tzin yetz'tan eb', tzyucn eb' sjolom, tzyaln eb' 'ixtic:

Job 12:4

Ex in wach'c'ojol, wach'xam an tic may in mul, may pax in paltail; wach'xam xyab' pax Dios waln in b'a 'a yic yaln̈ cha, palta ax ticnec, ton̈j tzin e tzetzej.

Gn 19:14

Xlajw cha, 'ix 'at Lot 'at yal 'a eb' sn̈i', ewin to jab'xoj yi'n sb'a yet' eb' 'ix yisl win cha, 'ix yaln 'a eb' 'ixtic: —¡C'olc eyip, q'uen̈ec wa'an, 'elcoyec! Yujto wal satl jun chon̈b' tic yuj Jehová, xchi 'a eb'. Palta ma'ix chaj eb' yab' tas 'ix yal Lot cha, ton̈j tzyal win snan eb'.

Mt 15:11

A jun tzo'n̈ tas tz'och 'a qui ti', matz on̈ juw yuj 'a sat Dios. Palta a jun tzo'n̈ tas tz'elt 'a qui ti', a tzon̈ 'a'n juwc 'eli, xchi 'a eb'.

Mr 5:39

Yuj cha, 'ix 'och 'a yol n̈a cha, 'ix yaln 'ixtc 'a eb': —¿Tas yuj til wal yel eyaw eyoq'ui? Man̈ chamncoc 'ix 'unn tic, ton̈j waync 'ix, xchi 'a eb'.

Mr 5:41

'Ix 'och yamn 'a sc'ab' 'ix 'unn cha, xyaln 'ixtc 'a 'ix: —Talita cumi, xchi. Tzyal 'el'chi: Ach 'ix 'unin, an tzwal 'ayach, q'uen̈ wa'an, xchi.