Mr 5:29 - Chuj San Sebastian Bible

²⁹ Yajn̈j wal cha, 'ix 'och wan yel jun a chi 'a 'ix, 'ix b'ox sc'ojl 'ix 'a jun syailal cha.

Chuj San Mateo Bible

²⁹ D'a jun rato chi', ix och vaan jun syaelal ix chi'. Ix yab'an ix sb'oxi sc'ool yuj jun syaelal chi'.

Mr 5:29 Referans Kwoze

Mr 5:34

Yuj cha, xyaln 'a 'ix 'ixtic: —Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.

Mr 3:10

Caw niwn eb' tox 'ix b'ox sc'ojl yu'uj, yuj cha, til to wal eb' ya'ay 'ix syam sb'a, yic tzayn 'och eb' sc'ab' 'a 'a.

Salmos 103:3

Yujto tzyac' niwnc'ojlal smasnil in mul, tzya'n b'oxc in c'ojol yic 'ay in yailal.

Salmos 30:2

Ach in Diosal, xin c'an a colwal, 'ix a'n b'oxc in c'ojol.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 107:20

Xyalni to tzb'ox sc'ojl eb', yuj cha 'ix jaw sc'ojl eb'; scoln 'elt eb' 'a yol sc'ab' chamel.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

A Ch'an̈ B'ab'el Libro Yic Yab'ixal Eb' Rey 8:37

Toq'ue 'ay 'aj 'oj tacjoc 'el cawb'en yuj cuaresma, mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ qui chon̈b' tic on̈. Toq'ue 'oj jawc oynjoc eb' 'ajc'ojl 'a qui chon̈ab', ax sjaw tzann̈j yailal tzon̈ satn 'eli, to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

Lv 20:18

Tzann̈j junc winc tzway yet' junc 'ix 'ix 'aj stiempoal yel a a', tzmuln win yet' 'ix, may yel'ch jun chi 'a winac. An̈jtona', tzyal sc'ojl 'ix sch'oxn 'el syailal cha. A eb' cha, yowlal tz'ijx 'el eb' schawn̈il 'a e cal.

Lc 7:21

Ax 'a jun rato cha, til wal eb' ya'ay yuj tzann̈j yab'ilal, yet' eb' 'aych demonio 'a 'a, 'ix laj b'ox can sc'ojl eb' yuj Jesús. An̈jtona', niwn pax eb' matz uj yilni, xlaj jacw can pax sat eb' yu'uj.

Mt 9:20

Ax 'a scal eb' 'anma wan s'at yet' Jesús cha, 'ay jun 'ix ya'ay. Slajchwil ab'il xo caw ya'ay 'ix yuj a a tz'el 'a 'a. Yuj cha, xc'och 'ix 'a spatquil Jesús, stzayn 'och 'ix sc'ab' 'a sti spichul.

Mr 5:28

yujto sna 'ix 'ixtic: Cojn cab' tzin tzaych jac in c'ab' 'a spichl Jesús, ax in b'ox cani, xchi 'ix.

Lv 14:48

Toto a yic tz'ochx win ya'mal 'och sti eb' 'anma chi yil jun n̈a cha, ax tzyilni to a jun c'uxmtac cha matz b'eyi, yictax 'ix b'ox can te n̈a cha, ax yaln b'i'an, chajtlto tox xb'ox can jun n̈a cha, yujto man̈x 'a jun yab'il chi 'a te'.