Mr 5:23 - Chuj San Sebastian Bible

²³ caw 'ix tew 'och win 'a 'a, 'ix yaln win 'ixtic: —Caw jab'xoj pitzn jun wisil, con̈ wet'oc, tz'at a tzaych a c'ab' 'a 'unix, sec 'oj b'oxoc, yic wach' ma'oj chamoc, xchi win 'a 'a.

Chuj San Mateo Bible

²³ Ix te tevi vin̈ d'ay, ix yalan vin̈: —Toxo val scham jun ix visil. Con̈ ved'oc, b'at aq'uec' a c'ab' d'a yib'an̈ ix, yic ol b'oxoc sc'ool ix yic man̈ ol cham ix, xchi vin̈ d'ay.

Mr 5:23 Referans Kwoze

Lc 13:13

Xlajw cha, 'ix stzayn 'och sc'ab' 'a 'ix. Yajn̈j wal cha, 'ix tojlb'i pax snan̈l 'ix, yuj cha, syamn 'och 'ix yaln wach' paxti 'a Dios.

Lc 4:40

Ax 'a yic yemc'ual, c'uxn x'ijx cot eb' ya'ay 'a 'aj 'ayc' Jesús. Chucchc yab'ilal tz'i'n junjn eb'. 'Ix stzayn 'och sc'ab' 'a junjn eb'. 'Ixta to b'i'an, xlaj b'ox can eb' yu'uj.

Mr 16:18

Toto 'oj syam eb' junc chan, toto 'oj yuc' eb' junc tas tzcham 'anma yu'uj, may 'oj 'aj eb'. Toto 'oj ya'b't eb' sc'ab' 'a sjolm eb' ya'ay, 'oj b'oxc sc'ojl eb' yuj eb', xchi Jesús.

A Tas Sc'ulejnac Eb' Schecab' Jesús Hechos 28:8

Ax smam win Publio cha, caw ya yaji. Tzcham yuj c'a'l yab'il yet' chic'. Ax Pablo, x'och 'a yol cuarto yet'oc. 'Ix leslwi, 'ix ya'n 'at sc'ab' 'a yib'n̈ winac. 'Ixta to b'i'an, xb'ox can sc'ojl win yu'uj.

Lc 4:38

'Ix 'elt Jesús 'a yol capiya cha, 'ix c'och 'a yatut Simón. Ax 'ix sn̈i Simón cha, caw tzcham 'ix yuj c'a'l yab'il. Yuj cha, 'ix tew 'och eb' 'a Jesús sec tzyac' b'oxc 'ix.

Mr 8:23

Ax Jesús cha, 'ix 'och yamn 'a sc'ab' winac, 'ix squetzn 'at win 'a sti 'el chon̈ab', 'ix sucn 'och jab' stzub' 'a yol sat winac, 'ix stzayn 'och sc'ab' 'a 'a, xlajw cha, 'ix sc'anb'ni, toto tzax yil win jab'oc.

Mr 7:32

Ax yic 'ayc' ta', 'ix yi'n cot eb' 'anma jun winc 'a 'a, caw wal chacan̈, matz uj spaxtin pax winac. Xtew 'och eb' 'a Jesús, sec tzaych sc'ab' 'a winac.

Lc 7:12

Ax yic wan sc'och eb' 'a jun chon̈b' cha, 'ix yiln eb' wan s'at jun xi'lb'a mucxoc yuj eb' 'anma chi ta'. Til wal eb' 'aj chon̈b' chi wan s'at yet'oc. A win xcham cha, yune jun 'ix chamnc yichmil, cojn jun c'otn̈ yune 'ix cha.

Mr 6:13

Til wal ewin demonio xyij 'el eb' 'a eb' 'anma', til wal eb' ya'ay 'aj 'ix laj 'ec' succn 'och eb' aceite. 'Ixta x'aj sb'ox can sc'ojl eb' 'anma cha.

Mt 8:3

Yuj cha, stzayn 'och Jesús sc'ab' 'a winac, 'ix yaln 'ixtic: —Tzyal in c'ojol. Tic tzach wac' b'oxoc, xchi 'a winac. Yajn̈j wal cha, xb'ox can sc'ojl winac.

Salmos 107:19

Palta a 'a scal syailal eb' cha, ata 'ix yal sb'a eb' 'a Jehová, ax 'ix coln 'el eb'.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

A Ch'an̈ Schab'il Libro Yic Yab'ixal Eb' Rey 5:11

'Ix cot yowl Naamán 'ix 'ati. Xyaln 'ixtic: —A waln 'a yol wico', to 'oj 'el-loc mu'c wul in scha', axn lin̈n in 'ec' tic ax sleslwi 'a Jehová sDiosal, ax smasn 'ec' sc'ab' 'aj 'aych jun lepra tic 'ayin, ax yelcn walni.

A Tas Sc'ulejnac Eb' Schecab' Jesús Hechos 9:17

Yuj cha, 'ix 'at Ananías 'a jun n̈a cha. Xlajw sc'ochi, 'ix 'och 'a yojol. 'Ix ya'n 'at sc'ab' 'a sjolm Saulo cha, 'ix yaln 'ixtic: —Wu'tac Saulo, a Cajlil Jesús a 'ix sch'ox sb'a 'aych 'a yol b'e 'aj ach jawi. A in checn cot 'ayach, sec wach' 'oj jacwc pax yol a sat, ax yochcn Yespíritu Dios 'aych si'mb'il, xchi 'a 'a.

A Tas Sc'ulejnac Eb' Schecab' Jesús Hechos 6:6

Xlajw si'x 'el eb', 'ix 'ijx 'at eb' 'a yojltac eb' schecb' Jesús. Ax eb' schecb' Jesús cha, 'ix leslwi eb'. 'Ix ya'n 'at eb' sc'ab' 'a sjolm eb'.

Jn 11:3

Yuj cha, 'ix ya'n 'at eb' yanb' chi sti 'a Jesús, 'ix yaln 'at eb' 'ixtic: —Mamin, a jun a wach'c'ojl 'a tic, caw ya'ay ticnec, xchi eb'.

Mr 5:24

Yuj cha, x'at Jesús yet' winac, til wal 'anma x'at yet'oc, caw witz'n s'at yet' eb' 'a yol b'e.

A Tas Sc'ulejnac Eb' Schecab' Jesús Hechos 8:17

Ax Pedro yet' Juan, 'ix ya't eb' sc'ab' 'a sjolm eb'. 'Ixta to b'i'an, 'ix 'ajx 'och Yespíritu Dios 'a eb'.

A Tas Sc'ulejnac Eb' Schecab' Jesús Hechos 9:12

'Ay jun xin ch'ox 'a 'icha waychil 'a 'a, 'ix yilni chajtlto ach 'oj a c'och 'a 'a, ax a'n 'at a c'ab' 'a sjolom, sec wach' 'oj jacwc yol sat jun 'ejm xo, xchi Cajlil 'a Ananías cha.