Mr 4:8 - Chuj San Sebastian Bible

⁸ Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, 'ix paq'ui, 'ix q'uib'i, 'ix ya'n sjolom. 'Ay xyac' sat 'a treinta, 'ay xyac' 'a sesenta, 'ay pax xyac' 'a jun ciente.

Chuj San Mateo Bible

⁸ Palta ay juntzan̈xo ix emcan b'aj yax sat luum. A juntzan̈ chi' ix javi, ix q'uib'i, ix aj sjolom. Ay ix yac' sat d'a 30. Ay ix yac' d'a 60. Ay ix yac' d'a jun ciento.

Mr 4:8 Referans Kwoze

Jn 15:5

An tic, 'icha junc snun 'awb'ente', 'ixta 'in. Ax xo tic, 'icha te sc'ab', 'ixta 'ex. A eb' junn̈j tz'ajcn wet'oc, junn̈j tzin 'ajcn yet' eb' jun xo. A eb' cha, 'icha junc te caw niwn sat tzyac'a, 'ixta 'oj 'aj eb' jun xo. Toto man̈toc 'ayn 'och eyet'oc, may xon jac tztac' eyuj e ch'ocoj.

A Scarta San Pablo D'a Eb' Aj Colosas 1:6

A jun 'ab'x yic colnb'il alb'ilx 'ayex, wan yalx 'a junjn lugar 'a yolyib'n̈q'uinl tic. 'Icha junc te tzq'uib'i, tzya'n sat, 'ixta tz'aj jun 'ab'x tic 'a eb' tz'ab'ni. An̈jtona', 'ixta x'aj 'ayex, yictax e b'ab'l 'ab'ni, chajtlto niwn swach'c'ojlal Dios. Yujto nachjnac 'el eyu'uj, to caw yel 'ay swach'c'ojlal cha.

Mr 4:20

Palta ax jun tzo'n̈ xo 'in̈t 'ix 'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tzya'ch wal eb' 'a sc'ojol. A eb' cha, lajn eb' 'icha jun tzo'n̈ 'in̈t tzyac' sat 'a treinta, 'a sesenta, yet' 'a jun ciente, xchi Jesús.

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

A Tas Sc'ulejnac Eb' Schecab' Jesús Hechos 17:11

A eb' israel 'aj Berea cha, yel xo wach' snab'en eb' 'a yib'n̈ eb' 'aj Tesalónica, yujto xcham wal yab'n eb' spaxti Dios. Ax 'a junjn c'u, scuy eb' Ch'an̈ Un̈ 'aj tz'ib'b'il can spaxti Dios cha, yic tzyiln eb', toto yel tzyal Pablo yet' Silas cha.

Mt 13:8

Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, xyac' sjolom. 'Ay xyac' sat 'a jun ciente, 'ay xyac' 'a sesenta, 'ay xyac' 'a treinta.

Jeremías 23:29

An Jehová in, an tzwala to a in paxti', lajn yet' c'ac', lajn pax yet' q'uen almáguina to tzpoj q'uen niwc q'uen yu'uj.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Lc 8:8

Palta 'ay jun tzo'n̈ x'emcn 'a 'aj caw 'ay syaxil lu'um. Ax yic 'ix q'uib' jun tzo'n̈ cha, 'ix satni. 'Ay jun tzo'n̈ xyac' sat 'a jun ciente, xchi Jesús 'a eb'. Xlajw yaln Jesús jun tzo'n̈ cha, caw 'ip 'ix yal junx tic 'a eb' 'ixtic: A jun tzo'n̈ tzeyab' tic, nac wal si'mb'il, xchi.

Mt 13:23

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tznachj 'el yuj eb'. A eb' cha, lajn eb' 'icha jun tzo'n̈ trigo niwn sat tzyac'a. 'Ay eb' tzyac' sat 'a jun ciente, 'ay pax eb' tzyac' sat 'a sesenta yet' 'a treinta, xchi Jesús.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Mr 4:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'. Yuj cha, toxn ma'ix yac' xon jac sjolom.

Mr 4:9

A jun tzo'n̈ tzeyab' tic, nac wal yuj si'mb'il, xchi 'a eb'.

Ef 2:21

'Icha junc n̈a wan stusx q'ue xamital 'a yib'n̈ q'ue'en, caw wach' tz'aj tztusxi, 'ixta cajc 'a Cristo qui masnil. Yujto on̈ 'ochc yatutoc Cajlilec. Caw yic on̈ec, yujto junxn̈ej cajc yet'oc.