Mr 3:8 - Chuj San Sebastian Bible

⁸ 'a Judea, 'a Jerusalén, 'a Idumea, yet' 'a sc'axpil a Jordán. 'Ay pax eb' xcot 'a yol yic Tiro yet' Sidón. 'Ix yab'n eb' to man̈x jantcoc milagro 'ix sb'o Jesús, yuj cha, til wal eb' xc'och 'a 'a.

Chuj San Mateo Bible

⁸ d'a yol yic Judea, d'a chon̈ab' Jerusalén, d'a yol yic Idumea yed' d'a sc'axepal a' Jordán. Ay pax eb' ix cot d'a slac'anil Tiro yed' Sidón. Ix yab'an eb' to man̈xo jantacoc milagro ix sb'o Jesús. Yuj chi' tzijtum eb' ix c'och d'ay.

Mr 3:8 Referans Kwoze

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Is 34:5

A 'a satcha'an̈ ata 'oj sch'ox cot Jehová yespada, ax 'a yib'n̈ Edom 'oj 'emoc, yujto a jun chon̈b' cha, tox 'ix 'ajx 'och chaml 'a yib'an̈.

Mr 7:24

Xlajw cha, x'at Jesús 'a jun lugar cha, 'ix c'och 'a yol yic Tiro yet' Sidón, ata x'och wan 'a yol jun n̈a. 'Ix snib'ej to may mach tz'ojcan 'eli toto 'ayc' ta', palta ma'ix stac' sc'ub'n 'el sb'a.

Salmos 87:4

A tzaln 'ixtic: Locn eb' 'aj Egipto yet' eb' 'aj Babilonia 'aych 'a scal eb' chon̈b' tzyac' 'ejm sb'a 'ayin. 'Icha wal eb' 'aljnac 'a chon̈b' Sión, 'ixta pax yaj eb' filisteo, eb' 'aj Tiro, yet' eb' 'aj Etiopía 'a in sat, xchi.

Salmos 45:12

A eb' 'aj Tiro, 'oj yac' eb' siylab' 'ayach. Ax eb' niwc rico 'a yol chon̈ab', 'oj snib'c eb' 'oj 'och 'a junc'ojlal et'oc.

Mr 7:31

Yic 'ix 'atx Jesús 'a yol yic Tiro 'aj 'ayc' cha, 'ix 'ec' 'a chon̈b' Sidón, yet' 'a jun tzo'n̈ chon̈b' 'ay 'a Decápolis. Xlajw cha, xjapx 'a sti a mar yic Galilea.

Josué 15:1

A lum lum 'ix yique'ej eb' yin̈tl can Judá, xc'och lum 'a smon̈jonal yic Edom, ax 'a sur, 'ix c'och lum 'a lum cusltac lum yic Zin.

Josué 15:21

A eb' lum b'ab'l tic 'ay 29 chon̈b' chi 'a smasnil yet' yaldeail, atn lum tzcan 'a stojlal sur, 'a smon̈jonal yic Edom: Atn Cabseel, Edar, Jagur, Cina, Dimona, Adada, Cedes, Hazor, Itnán, Zif, Telem, Bealot, Hazor-hadata, Queriot, Hezrón (atn jun tic tzcuch pax Hazor), Amam, Sema, Molada, Hazar-gada, Hesmón, Bet-pelet, Hazar-sual, Beerseba, Biziotia, Baala, Iim, Esem, Eltolad, Quesil, Horma, Siclag, Madmana, Sansana, Lebaot, Silhim, Aín yet' Rimón.

Mt 4:25

Til wal eb' 'aj Galilea 'ix laj 'och tza'n yu'uj, yet' eb' 'aj Decápolis, eb' 'aj Jerusalén, eb' 'aj Judea, yet' pax eb' 'a sc'axpil 'ec' a Jordán.

Lc 6:17

Xlajw cha, 'ix 'em paxt Jesús 'a jun tzaln chi yet' eb' scuywum cha. 'Ix 'och wan eb' 'a jun pan̈n 'a'lic. Til wal 'anma xjaw 'a eb' ta'. 'Ix laj cot eb' 'a smasnil yol yic Judea, yet' 'a chon̈b' Jerusalén. 'Ay pax eb' xlaj cot 'a sti a mar, atn 'a Tiro yet' 'a Sidón. Xwulc' eb' 'ab'xnoc 'a Jesús, yic tzb'ox can sc'ojl eb' yu'uj.