Mr 3:5 - Chuj San Sebastian Bible

⁵ 'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Chuj San Mateo Bible

⁵ Ix ec' q'ueleloc Jesús d'a eb', ix cot yoval. Ix te cusq'uei yujto te pit eb'. Ix yalan d'a vin̈: —Aq'uel lian a c'ab' chi', xchi. Ix yac'anel lian vin̈. Icha chi' ix aj sb'oxicani.

Mr 3:5 Referans Kwoze

Lc 6:10

Xlajw cha, 'ix 'ec' q'uel-loc 'a eb' oyn 'och 'a 'a, 'ix yaln 'ixtc 'a winac: —'A' cot a c'ab' 'ayin, xchi 'a winac. 'Ix ya'n cot win sc'ab' 'a 'a, 'ixta to b'i'an, 'ix b'oxi.

Ef 4:18

Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Mt 12:13

Xlajwn̈ej cha, xyaln 'a jun winc chi 'ixtic: —'A' cot a c'ab' 'ayin, xchi. Xya'n cot win sc'ab' 'a 'a, yajn̈j cha xb'o jun sc'ab' win cha, lajn x'aj yet' jun wach' xon cha.

Apoc 6:16

Xlaj cob' yalnc eb' 'ixtc 'a lum witz, yet' 'a eb' q'uen niwc q'ue'en: —Cotn̈ec 'a quib'n̈ on̈. Tzon̈ laj e c'ub'c 'el 'a sat jun wocn 'ejm 'a sdespacho. Yujto a yowl sc'ojl jun tzcuch Calnelu, caw matz qui nib'j tzjaw 'a quib'n̈ on̈, xchi cob' eb'.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Ch'an̈ Carta D'a Eb' Hebreo 3:17

¿Mach eb' 'aj cotnc yowl Dios 'a chawinc ab'il chi tze na'a? Atn eb' 'ochnc smul 'a 'a, schamcn eb' 'a lum cusltac lu'um.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

2 Co 3:14

Palta ax eb' cha, ma'ix nachj 'el yuj eb', tas chi xalx 'a eb', yujto pit eb'. An̈jtona ticnec, a yic tz'awtx jun 'ichm trato 'a eb' israel, matz nachj 'el yuj eb'. Yujto 'icha wal a jun nip chi potn 'och 'a sat eb', 'ixta yaj 'a eb'. A wal jun 'icha nip cha, matz 'eli, palta yujn̈ej Cristo tztac' yeli.

Jn 9:7

Xlajw cha, xyaln 'a win 'ixtic: —'Ixc 'a jun tanque tzcuch Siloé. 'At b'icl a sat chi ta', xchi 'a winac. (Siloé, tzyal 'el'chi, 'ic'b'il cot a'.) Xlajwn̈ej cha, 'ix 'at winac. X'at sb'icnc 'el win sat chi 'a a a cha. Ax yic xmeltzj paxi, tox 'ix b'ox sat winac.

Lc 17:14

Yic xyiln Jesús ewinac, xyaln 'ixtic: —'Ixquec, 'at ch'oxc e b'a 'a eb' ya'mal 'och qui ti 'a Dios, xchi 'a ewinac. Axn wan sb'ey ewinac, xb'ox sc'ojl ewin smasnil.

Lc 13:15

Yuj cha, xyaln pax Cajlil 'ixtc 'a winac: —Ax tic, caw chab'sat ex. Toto 'ay junc e wacax, mto junc e b'uru pixn 'a sc'ul 'iljelal, ¿tom matz e jiy 'el ta, tz'at eya'nc yuc' a'?

Salmos 95:10

Chawinc ab'il stzuntzjnac cot eb' 'anma chi wowal, yuj cha, waln 'ixtic: A eb' 'anma tic, chucchc 'aj 'aych snab'en eb', ma'ix ya'ch eb' sc'ojl 'a tas xwac' scuyu'.

Nehemías 13:8

Caw 'ix cot wowl si'mb'il yuj jun cha. Yuj cha, smasnil jun tzo'n̈ tas 'aych yuj Tobías 'a yojol, xwa' julxoc 'elt smasnil 'a sti jun cuarto cha.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.

Gn 6:6

Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

A Ch'an̈ Carta D'a Eb' Hebreo 3:10

Yuj cha, scot wowl 'a eb', waln 'ixtic: A jun tzo'n̈ 'anma tic, chuc 'aj 'aych snab'en eb'. Toxn matz nib'j eb' tzyojquej 'el in b'eyb'al, xin chi.

Mr 3:4

Xlajw cha, xyaln 'a eb' 'anma chi 'ixtic: —¿'Aja junc 'ay sleyl tzqui b'oc 'a sc'ul 'iljelal tze na'a? ¿Tztac' am qui b'onec jun tzo'n̈ tas wach', mto a jun tzo'n̈ maysch'olnil? ¿Tztac' am ca'nec b'oxc sc'ojl junc ya'ay, mto tzqui wach' miljec chamoc? xchi. Palta ton̈j sictac x'aj eb' 'anma cha.

A Ch'an̈ B'ab'el Libro Samuel 20:34

Yuj cha, xcot yowl Jonatán, 'ix q'ue lin̈njoc 'a sti te mexa cha. Xlajw cha, 'ix 'elta. Man̈x 'ic wa 'a yic schab'l c'ul xo q'uin̈ cha, yujto caw 'ix 'och pitz'n cusc'ojlal 'a yuj David, yujto caw tu tas xyal smam cha.