Mr 3:22 - Chuj San Sebastian Bible

²² 'Ay jun tzo'n̈ ewin cuywjum 'a ley yic Moisés 'ix cot 'a Jerusalén, 'ix yaln ewin 'ixtic: A win Beelzebú a 'aych yet' Jesús. Yuj cha, tztac' ton yi'n 'el Jesús ewin demonio cha, yujto a win 'aych yet'oc, xchi ewinac. A win Beelzebú cha, a win yajl yaj 'a ewin demonio.

Chuj San Mateo Bible

²² Ay juntzan̈ eb' vin̈ c'ayb'um d'a ley Moisés ix cot d'a Jerusalén, ix yalan eb' vin̈: —A Beelzebú yajalil eb' enemigo, ayoch yed' Jesús tic. Yuj chi', syal ton yic'anel eb' enemigo chi', yujto a' ayoch yed'oc, xchi eb'.

Mr 3:22 Referans Kwoze

Mt 15:1

'Ay jun tzo'n̈ ewin fariseo yet' ewin cuywjum 'a ley yic Moisés, 'ix cot ewin 'a Jerusalén. 'Ix syamn sb'a ewin 'a 'aj 'ayc' Jesús. 'Ix sc'anb'n ewin 'a 'ixtic:

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

Mt 12:24

Palta a yic xyab'n ewin fariseo jun tzo'n̈ cha, 'ix yaln ewin 'ixtic: —A jun winc tic, tztac' ton yi'n 'el ewin demonio, yujto a win Beelzebú win syajlil ewin demonio cha, a 'aych yet'oc, xchi ewinac.

Mt 9:34

Palta ax eb' fariseo 'ix yaln eb' 'ixtic: —A jun winc tic, tztac' ton yi'n 'el win ewin demonio, yujto a win syajlil ewin 'aych yet' winac, xchi eb'.

Jn 7:20

Ax eb' 'anma chi 'ayc' ta', 'ix yaln eb' 'ixtc 'a 'a: —Ach tic, tecn 'aych junc demonio 'ayach. ¿Mach wal junc tznib'n tzach miln cham tzela? xchi eb' 'a 'a.

Jn 8:52

—A ticnec, caw cojc on̈, to 'aych jun demonio chi 'ayach. A win Abraham yet' jantcn̈ej eb' schecb' Dios pecti', c'uxn chamnc eb' smasnil. Ach xo tic tzal 'ixtic: Toto 'ay eb' tzyiclni tas tzwala, may b'a'n̈ 'oj cham eb', xa chi cob'i'.

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.

Lc 11:15

Palta 'ay jun tzo'n̈ eb' 'ix aln 'ixtic: A Jesús tic, tztac' ton yi'n 'el ewin demonio, yujto a win Beelzebú 'aych yet'oc, xchi eb'. (A win Beelzebú cha, yajl yaj 'a ewin demonio cha.)

Mr 7:1

'Ay jun tzo'n̈ ewin fariseo, yet' jaywn̈ ewin cuywjum 'a ley yic Moisés, 'ix cot ewin 'a Jerusalén, syamn sb'a ewin 'a 'aj 'ayc' Jesús.

Mt 11:18

Yujto a sb'eyb'al Juan, may tas tznib'j tzc'uxu, may tas tzyuq'uej. Yuj cha, tzyaln eb', to a win demonio 'aych 'a 'a.

Jn 10:22

Ax 'a yic xjaw stiempoal n̈ab'lq'uinal, 'ix 'och sq'uin̈ yatut Dios 'a Jerusalén.

Lc 5:17

Ax 'a jun c'u, 'ix cuywj Jesús 'a eb' 'anma'. Wocn 'ejm jun tzo'n̈ ewin fariseo ta', yet' jun tzo'n̈ ewin cuywjum 'a ley yic Moisés. Xcot ewin 'a junjn chon̈b' 'a yol yic Galilea, yet' 'a Judea. 'Ay pax ewin xcot 'a Jerusalén. Ax Jesús, caw xcheclj 'el spoder Dios 'a 'a, yic 'ix ya'n b'oxc sc'ojl eb' ya'ay.

Salmos 22:6

An xo tic, man̈x in 'anmac tzwab'i. Lajn in 'icha junc no a'ay. Caw tzetztac wilx 'a yol sat eb' 'anma', patcab'iln pax 'el yuj eb' wit 'anma'il.

A Ch'an̈ Schab'il Libro Yic Yab'ixal Eb' Rey 1:2

Ax Ocozías sreyl Israel 'ix 'elt pichnjoc 'a sventnual schab'l piso 'a sdespacho 'ay 'a chon̈b' Samaria, caw niwquil x'aj slajwi. Yuj cha, 'ix yaln 'a eb' schecb' chi 'ixtic: 'Ixquec, 'at c'anb'jec eyab' 'a Baal-zebub sdiosal eb' 'aj Ecrón, toto 'oj b'oxc to in c'ojl 'a jun in yailal tic, xchi.