Mr 3:19 - Chuj San Sebastian Bible

¹⁹ 'Ayc' pax Judas win 'aj Queriot, atn jun x'a'n 'och Jesús 'a yol sc'ab' chamel.

Chuj San Mateo Bible

¹⁹ Ayec' pax vin̈aj Judas aj Queriot, aton vin̈ ix ac'anoch Jesús d'a yol sc'ab' chamel.

Mr 3:19 Referans Kwoze

Jn 13:2

Ax win Judas, yunnal Simón 'aj Queriot, tox 'ix 'och win diablo 'a spixn winac, sec a win tz'a'n 'och Jesús 'a yol sc'ab' chamel. Palta yojc Jesús to a 'a Dios cotnac, ata 'oj paxx q'ue'i. Yojtac a qui Mam Dios 'a'jnac smasnil tas 'a yol sc'ab'. Ax yic wan swa yet' eb' scuywum, 'ix q'ue lin̈an. 'Ix yi'n 'el jun spotil, sb'a'n 'och jun toaya 'a snan̈al.

Jn 6:71

A jun 'ix yal tic, yuj Judas yunnal Simón 'aj Queriot 'ix yalni. Yujto a Judas chi 'oj 'a'nc 'och Jesús 'a yol sc'ab' chamel. Palta yit cuywumal sb'a yet' eb' uxlchwan̈ cha.

Jn 6:64

Palta 'ay jaywn̈ ex, matz in eya'ch wal 'a e c'ojol, xchi Jesús 'a eb' scuywum cha. 'Ixta xyutj Jesús yaln 'a eb', yujto yictax b'ab'el, yojc xoni mach eb' matz ya'ch sc'ojl 'a 'a. Yojc xon paxi, mach jun 'oj 'a'nc 'och 'a yol sc'ab' chamel.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mt 10:4

'Ayc' pax junx win tzcuch Simón win cananeo yet' pax Judas win 'aj Queriot, atn jun x'a'n 'och Jesús 'a yol sc'ab' chamel.

Mr 3:18

'Ayc' pax Andrés, Felipe, Bartolomé, Mateo, Tomás, Jacobo yunnal Alfeo, Tadeo yet' Simón win cananeo.

Mr 3:20

Xlajw cha, x'at Jesús 'a jun n̈a yet' eb' scuywum. Til wal 'anma 'ix syam sb'a jun 'ejm xo 'a 'a. Yuj cha, man̈ jac tztac' swa yet' eb' scuywum cha.

Mr 9:33

Xlajw cha, xc'och eb' 'a chon̈b' Capernaum, ax yic 'ayc' eb' 'a yol n̈a, 'ix sc'anb'n 'ixtc 'a eb': —¿Tas yuj xe tej e b'a 'a yol b'e? xchi.