Mr 2:18 - Chuj San Sebastian Bible

¹⁸ Ax 'a jun 'el, 'ix 'och eb' scuywum Juan Bautista 'a c'ajb'c'ojlal yet' eb' scuywum ewin fariseo. Yuj cha, 'ay eb' xjaw 'a Jesús, 'ix yaln eb' 'a 'ixtic: A eb' scuywum Juan yet' eb' scuywum eb' fariseo, tzya'ch sb'a eb' 'a c'ajb'c'ojlal. Palta ax eb' a cuywum ach tic, ¿tas yuj matz ya'ch sb'a eb' 'a c'ajb'c'ojlal? xchi eb' 'a 'a.

Chuj San Mateo Bible

¹⁸ A junel ix och eb' sc'ayb'um vin̈aj Juan yed' eb' sc'ayb'um eb' fariseo d'a tzec'ojc'olal. Yuj chi' ay eb' ix c'och d'a Jesús, ix yalan eb' d'ay: —A eb' sc'ayb'um vin̈aj Juan yed' eb' sc'ayb'um eb' fariseo, ayoch eb' d'a tzec'ojc'olal, palta axo eb' a c'ayb'um tic, ¿tas yuj max och eb' d'a tzec'ojc'olal? xchi eb' d'ay.

Mr 2:18 Referans Kwoze

Lc 18:12

Yujto an tic, cha'ejm tzwa'ch in b'a 'a c'ajb'c'ojlal 'a junjn seman. An̈jtona', caw tzwac' pax sdiesmoal jantcn̈ej tas tzlaj wac' ganar, xchi cob' win 'a Dios.

Mt 6:18

sec wach' may mach tz'ilni, toto 'ayx 'och 'a c'ajb'c'ojlal. Toto 'ixta', cojn 'a sat qui Mam Dios 'ayx 'och 'a c'ajb'c'ojlal, 'oj yila', ax ya'n spac 'ayex.

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Mr 2:19

Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec, a eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayc' win tznupn chi yet' eb'? A yic 'ayt 'ec' win yet' eb', matz tac' yoch eb' 'a c'ajb'c'ojlal.