Mr 2:17 - Chuj San Sebastian Bible

¹⁷ Ax yic 'ix yab'n Jesús jun cha, 'ix yaln 'a ewin 'ixtic: —Q'uinloc 'ay junc 'a'm remel ticnec, a eb' wach' sc'ojol, ¿tom 'ay tz'och yuj eb'? Cojn eb' ya'ay, a eb' 'ay tz'och yu'uj. 'Ixta waj an tic, a eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Chuj San Mateo Bible

¹⁷ Axo ix yab'an Jesús, ix yalan d'a eb' vin̈: —Q'uinaloc ay junoc vin̈ an̈tum, a eb' vach' sc'ool, malaj tz'och vin̈ yuj eb'. An̈ej eb' penaay ay tz'och vin̈ yuuj. Maj in javilaj vavtejcot eb' vach' sb'eyb'al snaani, palta yuj vavtan eb' ojtannac to malaj svach'il sb'eyb'al, xchi Jesús d'a eb' vin̈.

Mr 2:17 Referans Kwoze

Lc 15:7

An̈jtona', q'uinloc 'ay junc 99 'anma toxn tojl snab'en, man̈ yowlalc tzna sb'a snani. May tzaljc'ojlal 'a satchan̈ yuj eb'. Palta an tzwal 'ayex, toto 'ay junc maysch'olnil sb'eyb'al tzna sb'a yuj smul, yel xo wal niwn tzaljc'ojlal yuj jun chi 'a satcha'an̈.

Lc 19:10

An 'Ochnc in 'Anmal tic, in jaw wul in sayc' eb' satncto, yic tzin coln can 'el eb', xchi Jesús.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Jn 9:40

'Ay jaywn̈ ewin fariseo 'ayc' ta'. Yic 'ix yab'n ewin jun cha, 'ix yaln ewin 'ixtc 'a 'a: —¿Tom tza na'a, to matz uj quiln yic Dios on̈? xchi ewinac.

Lc 15:10

Yuj cha, tzwal 'ayex, toto 'ay junc maysch'olnil sb'eyb'al tzna sb'a yuj smul, caw tzalj eb' yángel Dios yu'uj, xchi Jesús.

Lc 15:29

Palta xyaln win 'ixtc 'a smam cha: 'In ojtac, niwn xo yab'lil tzach wac' servil, mant 'a jun 'ejmoc matz in yiclj tas tzala. Wach'xam junc quelm chiwo, toxn matz ac' xon junc wico', yic tzwa'n 'och junc in q'uin̈ yet' eb' in wach'c'ojol.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?