Mr 16:17 - Chuj San Sebastian Bible

¹⁷ A eb' 'oj 'a'nc 'och 'a sc'ojol, 'oj sch'ox eb' jun tzo'n̈ milagro tic: Yuj in poder 'oj yi'l eb' jun tzo'n̈ demonio 'a eb' 'anma', 'oj paxtinc eb' 'a jun tzo'n̈ chucchc ti'al.

Chuj San Mateo Bible

¹⁷ A eb' ol ac'anoch d'a sc'ool, ol sch'ox juntzan̈ milagro tic eb': Yuj in poder ol yic'anel juntzan̈ enemigo eb' d'a eb' anima. Ol lolon eb' d'a juntzan̈ ch'occh'oc ti'al.

Mr 16:17 Referans Kwoze

A Tas Sc'ulejnac Eb' Schecab' Jesús Hechos 5:16

Til wal 'anma xcot 'a jun tzo'n̈ chon̈b' 'a sla'nil Jerusalén cha. 'Ix yi'n cot eb' jun tzo'n̈ eb' ya'ay, yet' eb' 'aych ewin demonio 'a 'a. 'Ixta to b'i'an, 'ix b'ox can sc'ojl eb' smasnil.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

1 Co 12:10

'ay eb' tz'ajx spoder sch'oxn 'el jun tzo'n̈ milagro, 'ay pax eb' tz'ajx yal-l spaxti Dios. Yuj Yespíritu tic, 'ay eb' tz'ajx yojcoc 'eli, toto a 'aych yet' junc mach, mto a junc demonio 'aych yet'oc. Yu'uj, 'ay pax eb' tz'ajx paxtinc 'a jun tzo'n̈ chucchc ti'al. 'Ay pax jun tzo'n̈ xo eb' tz'ajx alnoc, tas wal tzyal 'el'ch jun tzyal eb' cha.

A Tas Sc'ulejnac Eb' Schecab' Jesús Hechos 8:7

A 'a jun chon̈b' cha, til wal eb' 'anma 'aych demonio 'a 'a. Ax Felipe chi xlaj 'i'nc 'el 'a eb'. Caw x'el yaw ewin demonio chi yel 'a eb'. Til wal eb' sicb'nac 'eli, yet' pax eb' matz tac' sb'eyi, xlaj b'ox can eb' yuj Felipe cha.

Lc 10:17

A eb' 72 cha, caw tzaljc'ojlal xjapx eb' 'a Jesús. 'Ix yaln eb' 'ixtc 'a 'a: —Mamin, an̈jtona ewin demonio, caw syiclj ewin tas xcal on̈, yic xqui c'anlb'an a b'i on̈, xchi eb'.

A Tas Sc'ulejnac Eb' Schecab' Jesús Hechos 10:46

Yujto xyab' eb', to chucchc til 'ix yal eb' 'aj 'ix 'ochcn Yespíritu Dios cha. 'Ix yab'n pax eb' yaln eb' wach' paxti 'a Dios.

Jn 14:12

Wal yel tzwal 'ayex, a eb' tzin 'a'n 'och 'a sc'ojol, 'oj sb'o eb' jun tzo'n̈ tas tzin b'o'o. 'Ay jun tzo'n̈ xo tas 'ec'b'al 'a yib'n̈ jun tzo'n̈ tic 'oj b'o yuj eb', yujto 'oj in pax 'a 'aj 'ay qui Mam Dios.

A Tas Sc'ulejnac Eb' Schecab' Jesús Hechos 19:6

Xlajwn̈ej cha, 'ix ya'n 'at Pablo sc'ab' 'a sjolm junjn eb'. 'Ixta to b'i'an, 'ix 'ajx can 'och Yespíritu Dios 'a eb'. 'Ix paxtin eb' 'a jun tzo'n̈ chucchc ti'al. Xlajw cha, 'ix 'ajx pax yal-l eb' jun tzo'n̈ cuynb'il yic Dios.

1 Co 14:2

'Ay eb' tztac' spaxtin 'a jun tzo'n̈ chucchc ti'al. A 'a Dios tzpaxtin eb', man̈oc 'a 'anma', yujto may junc mach tz'ab'n tas tzyal eb'. Yuj ton Yespíritu Dios tz'ajx yal eb' jun tzo'n̈ cha, palta may junc mach 'ojtnac tas tzyal eb' cha.

1 Co 12:30

Man̈ qui masniloc tztac' ca'n b'oxc sc'ojl eb' ya'ay. Man̈ qui masniloc tztac' tzon̈ paxtinec 'a jun tzo'n̈ chucchc ti'al. An̈jtona', man̈ qui masniloc tztac' calni, tas tzyal 'el'ch jun tzo'n̈ chucchc til cha.

1 Co 13:1

Q'uinloc caw jeln tzlaj cutquec qui paxtin 'a sti smasnil 'anma', yet' pax 'a sti eb' ángel. Palta toto may qui chamc'ojlalec, lajn on̈c 'icha junc tinab'. Mto 'icha jun tzo'n̈ q'uen pachb'mb'a yic son, 'ixta on̈ec.

A Tas Sc'ulejnac Eb' Schecab' Jesús Hechos 16:18

Til wal 'ejm x'ec' 'ix quet'oc. An̈j wal jun chi tzyal 'ix 'a junjn 'ejem. Ax Pablo, man̈xtzac techj yuj yab'ni. Yuj cha, 'ix meltzj 'at q'ueln 'a 'ix. 'Ix yaln 'ixtc 'a jun demonio chi 'aych 'a 'ix: —Tzwal 'ayach, yuj spoder Jesucristo, 'eln̈ 'a 'ix, xchi. Yajn̈j wal cha, x'el 'a 'ix.

Mr 9:38

Ax Juan 'ix aln 'a Jesús 'ixtic: —Ach in Cuymal, 'ay jun winc 'ix quil on̈, wan yi'n 'el win ewin demonio 'a eb' 'anma'. Tzyal winac to yuj a poder tzb'on win jun tzo'n̈ cha, palta xqui tench wan win on̈, yujto man̈ junn̈joc tz'ec' win quet'ec, xchi 'a 'a.

A Tas Sc'ulejnac Eb' Schecab' Jesús Hechos 2:33

An̈jtona', 'ix 'ijx 'at 'a satchan̈ yuj spoder Dios. A qui Mam Dios 'ix yac' Yespíritu 'a 'a, 'icha yutjnac ya'n can sti'. Ax Jesús 'ix 'a'n cot jun xeyil tic, xeyab' tic.