Mr 14:54 - Chuj San Sebastian Bible

⁵⁴ Ax Pedro najt tza'n s'at yuj Jesús. 'Ix 'ochch 'a yamq'uil yatut win sat yaj 'a ewin cha. 'Ix 'em wocn yet' eb' policía, 'ix c'achn yet' eb'.

Chuj San Mateo Bible

⁵⁴ Axo vin̈aj Pedro, najat tzac'anto sb'at vin̈ yuj Jesús. Ix ochc'och vin̈ d'a yamaq'uil spat vin̈ sat sacerdote chi'. Ix em c'ojan vin̈ yed' eb' polencía. Ix c'axni vin̈ yed' eb'.

Mr 14:54 Referans Kwoze

Jn 18:18

A 'a jun tiempoal cha, caw 'ay si'ic. Yuj cha, ax ewin moso yet' ewin stan̈mal yatut Dios, 'ix ya'ch ewin sc'ac' yet' jun tzo'n̈ 'ac'al. Lin̈n 'och ewin c'achnoc. Ax Pedro, 'ix 'ochch yet' ewin 'a sti c'ac' cha, 'ix c'achn yet' ewinac.

Mt 26:3

Ax eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés, yet' eb' 'ichmtac winac, syam sb'a eb' 'a yamq'uil yatut win Caifás. A win cha, sat ya'mal 'och sti eb' 'anma 'a Dios.

Jn 18:25

Ax Pedro, an̈ja lin̈n 'och c'achnoc yet' ewin policía chi 'a sti c'ac'. Yuj cha, 'ix yaln ewin 'ixtc 'a 'a: —Ach tic, tecn scuywum ach Jesús, xchi ewinac. Ax Pedro, 'ix yij 'el 'a yib'an̈. 'Ix yaln 'ixtic: —Ma'ay, man̈ ino'oc, xchi cob'i'.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Mr 14:38

Pitzc 'el e wayan̈, leslwan̈ec, sec toq'ue ma'oj eyajx prowal. A e pixan te'n toni, palta ax e niwnal may ste'nal, xchi 'a eb'.

Mt 26:58

Ax Pedro, najt tza'n s'at yu'uj, 'ix 'ochch 'a yamq'uil yatut win sat yaj 'a ewin cha. 'Ix 'em wocn yet' eb' policía, sec tzyila tas wal tz'aji.

A Ch'an̈ B'ab'el Libro Yic Yab'ixal Eb' Rey 19:13

A yic xyab'n Elías, 'ix smacn sat yet' jun spotil, 'ix 'elta, axta xcan lin̈n 'a yol sti q'uen n̈aq'uen cha. At wal cha, 'ix 'och jun 'aw 'a 'a, 'ix yaln 'ixtic: Elías, ¿tas yuj 'aych 'ec' 'a tic? xchi.

A Ch'an̈ B'ab'el Libro Yic Yab'ixal Eb' Rey 19:9

Ax yic xc'och ta', 'ix 'och 'a yol jun n̈aq'ue'en, axta x'ec' jun 'ac'wl yu'uj. Ax x'aji, 'ix c'och Jehová 'a 'a, 'ix yaln 'a 'ixtic: Elías ¿tas yuj 'aych 'ec' 'a tic? xchi.

A Ch'an̈ B'ab'el Libro Samuel 13:7

'Ay pax eb' xc'axw 'ec' 'a a niwn a Jordán, 'ix c'och eb' 'a lum Gad yet' 'a lum Galaad, palta ax Saúl, an̈ja 'ayt 'ec' 'a lum Gilgal. A smasnil eb' soldado ajun yet'oc, caw tz'ib'x eb' yuj xiwlal.

Mr 14:66

Ax Pedro 'ayt 'ec' 'a yamq'uil jun n̈a cha, 'ix c'och jun 'ix ya'mal servil win sat ya'mal 'och sti eb' israel 'a Dios.

Lc 22:54

Xlajw cha, x'och yamnjoc ewin 'a Jesús. 'Ix yi'n 'at ewin 'a yatut win sat ya'mal 'och sti eb' israel 'a Dios. Ax Pedro najt tza'n s'at yu'uj.