Mr 14:26 - Chuj San Sebastian Bible

²⁶ Xlajw sb'itnan eb' jun b'it 'a Dios 'ix 'elt eb', 'ix 'at eb' 'a tzaln Olivo.

Chuj San Mateo Bible

²⁶ Ix lajvi sb'itan jun b'it eb' d'a Dios, ix elta eb'. Ix b'at eb' d'a tzalan Olivo.

Mr 14:26 Referans Kwoze

Mt 26:30

Xlajw sb'itnan eb' jun b'it 'a Dios, x'elt eb', 'ix 'at eb' 'a tzaln Olivo.

Lc 22:39

Xlajw cha, x'elt Jesús 'a yol n̈a. 'Ix 'at 'a tzaln Olivo 'icha xon sley. Ax eb' scuywum, x'och tza'n eb' yu'uj.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

1 Co 14:15

Yuj cha, ¿tasm tzqui b'o tze na'a? Man̈ cojnoc tzon̈ leslwiec yet' qui pixan. Yowlal tzon̈ leslwiec pax yet' qui nab'en, sec tznachj 'el cujec. An̈jtona', a yic tzon̈ b'itnec, man̈ cojnoc tzon̈ b'itnec yet' qui pixan. Yowlal tzon̈ b'itnec pax yet' qui nab'en, sec tznachj 'el cujec.

A Tas Sc'ulejnac Eb' Schecab' Jesús Hechos 16:25

Ax 'a chim'ac'wal, 'ix leslwi Pablo chi yet' Silas. 'Ix sb'itnan eb' jun tzo'n̈ b'it 'a Dios. Ax jun tzo'n̈ xo eb' 'aych 'a preso yet' eb' cha, caw tzyab' eb'.

Mt 21:1

Yic wan sc'och Jesús yet' eb' scuywum 'a sla'nil Jerusalén, 'ix jaw eb' 'a chon̈b' Betfagé 'a yich lum tzaln Olivo. Ax Jesús, 'ix checn 'at chawn̈ eb' scuywum.

Mr 14:25

Wal yel tzwal 'ayex, man̈x 'a junc yal uva 'oj wuc', masnto 'a jun c'u 'oj wuc' jun yal uva 'a't 'a yic 'oj 'och Dios Yajlil, xchi Jesús 'a eb'.

Jn 18:1

Xlajw yaln Jesús jun tzo'n̈ tic, 'ix 'at yet' eb' scuywum. 'Ix c'och eb' 'a sc'axpil 'ec' jun ch'oln Cedrón sb'i', 'a 'aj 'ay jun tzo'n̈ 'awb'ente'. Ata xc'och eb' 'a scal.