Mr 14:15 - Chuj San Sebastian Bible

¹⁵ Ax win 'oj ch'oxnc jun niwquil cuarto 'ayx 'a cha'an̈. Lista xo yaji. Ata tze b'o tas 'oj qui c'uxec, xchi Jesús 'a eb'.

Chuj San Mateo Bible

¹⁵ A vin̈ ol ch'oxan jun nivan cuarto chaan̈ yajq'ue d'ayex. Listaxo yaji. Ata' tze b'o tas ol co va'a, xchi Jesús chi' d'a eb'.

Mr 14:15 Referans Kwoze

A Tas Sc'ulejnac Eb' Schecab' Jesús Hechos 1:13

Xlajw sjaw eb' 'a chon̈b' cha, 'ix q'ue eb' 'a jun cuarto 'ay 'a cha'an̈. Ata 'ay sposada Pedro, Jacobo, Juan, Andrés, Felipe, Tomás, Bartolomé, Mateo, Jacobo yunnal Alfeo, yet' Simón, jun spartido eb' cananista 'a yic yalan̈, yet' pax Judas yu'tac Jacobo.

A Tas Sc'ulejnac Eb' Schecab' Jesús Hechos 20:8

A 'a yol jun cuarto 'a cha'an̈, ata yamn on̈. Til wal cantil xya'ch eb'.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

Pr 16:1

An̈ 'anman̈ec tic, 'ay calnec quic qui nanec tas tzqui b'o'o, palta a Jehová a tztac' yalni tas tz'aj 'el'chi.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

2 Cr 6:30

'Aych 'ec' 'a satcha'an̈ 'aj cajn ach cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

Mr 14:14

A 'aj 'oj e c'och yet'oc, tzeyal 'ixtc 'a win 'ajn̈a cha: 'Ixtc xyutj qui Cuymal yaln on̈: ¿'Ajtil 'ay jun cuarto 'aj 'oj in wa yet' eb' in cuywum, yic tzqui nan cot yel eb' qui mam quichmec 'a libre? xchi, xe chi 'a winac.

Mr 14:16

Yuj cha, x'at eb' scuywum cha, 'ix c'och eb' 'a chon̈ab', ata x'ilchj jun winc yuj eb', 'icha xyutj Jesús yalni. Xlajw cha, 'ix sb'on eb' tas 'oj sc'ux 'a yic jun q'uin̈ cha.