Mr 12:32 - Chuj San Sebastian Bible

³² Ax win cuywjum cha, 'ix yaln pax win 'ixtc 'a 'a: —Wach' Mamin, yel ton tzala junn̈j ton Dios, may junc xo.

Chuj San Mateo Bible

³² Ix yalanxi vin̈ c'ayb'um chi' d'ay: —Vach' ton Mamin, yel ton tzala'. Junn̈ej ton Dios, malaj junocxo.

Mr 12:32 Referans Kwoze

Dt 4:39

Yuj cha, can cab' 'a e nab'en to cojn Jehová Dios, sDiosal satcha'an̈ yet' 'a sat lum tic, may junc xo.

Mr 12:29

Yuj cha, xyaln Jesús 'ixtic: —Atn jun checnb'il tic 'ec'b'al yel'ch 'a yib'n̈ smasnil: 'Ab'tec ex wit israelal, cojn Cajlil qui Diosalec, may junc xo.

Is 46:9

Nacc cot tas ujnac 'a yictax pecti'. Cojn in ton Dios in, may junc xo, may wal junc xo dios lajn wet'oc.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Dt 6:4

'Ab'tec wal ex wit israelal, cojn Jehová qui Diosalec, may junc xo.

Dt 4:35

'Ix sch'ox quil jun tzo'n cha, sec tzcojquejec 'eli to may junc xo Dios, palta cojn ton Jehová.

Dt 5:7

Man̈ e say junc xo e diosal 'a in sat.

Mr 12:33

Yowlal tzqui chamc'ojlej Dios 'a smasnil qui c'ojol, 'a smasnil qui nab'en, yet' 'a smasnil quip, an̈jtona', yowlal tzqui chamc'ojlej eb' quit 'anma'il 'icha tzcutj qui ya'iln qui b'a junjn on̈. Atn chab' tic, 'ec'b'al yel'ch 'a yib'n̈ smasnil jun tzo'n̈ xajmb'al yet' jun tzo'n̈ siylab' tzn̈usx tz'ajx 'a Dios, xchi win 'a 'a.