Mr 11:1 - Chuj San Sebastian Bible

¹ Yic wan sjaw Jesús yet' eb' scuywum 'a sla'nil Jerusalén, 'ix jaw eb' 'a stz'ey Betfagé yet' Betania, 'a yich lum tzaln Olivo. Ax Jesús, 'ix checn 'at chawn̈ eb' scuywum.

Chuj San Mateo Bible

¹ Ayic van sc'och Jesús yed' eb' sc'ayb'um d'a slac'anil Betfagé yed' Betania, d'a yichan̈b'at tzalan Olivo d'a slac'anil Jerusalén, ix schecanb'at chavan̈ eb' sc'ayb'um,

Mr 11:1 Referans Kwoze

Jn 8:1

Ax Jesús, 'ix 'at 'a tzaln Olivo.

A Tas Sc'ulejnac Eb' Schecab' Jesús Hechos 1:12

Xlajw cha, 'ix paxx 'emt eb' scuywum Jesús 'a tzaln Olivo cha. 'Ix japx eb' 'a Jerusalén. A jun tzaln cha, 'aym junc mel-l legua yajl 'a stz'ey chon̈b' cha.

Mr 14:13

Yuj cha, xchecn 'at chawn̈ eb' scuywum, 'ix yaln 'a eb' 'ixtic: —'Ixquec 'a chon̈ab'. Ata 'oj 'ilchjc jun winc eyu'uj. Yet' win jun ch'ub' a'. Tzex 'at yet'oc.

Mr 6:7

Ax Jesús 'ix yawtj cot eb' scuywum slajchwan̈il, xlajw cha, chatcwan̈il xyutj schecn 'at eb', 'ix ya'n pax yopiso eb' yi'n 'el ewin demonio.

Mt 26:30

Xlajw sb'itnan eb' jun b'it 'a Dios, x'elt eb', 'ix 'at eb' 'a tzaln Olivo.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mt 21:17

Xlajw xoj cha, 'ix 'atxi, xcan ewin yuj 'a Jerusalén cha. Axta xc'och 'a Betania. Ata xit' jun 'ac'wl ta'.

Zacarías 14:4

A wal 'a yic jun c'ul cha, 'oj 'em te'n yoc Jehová 'a yib'n̈ lum tzaln Olivo 'ay 'a yojltac 'at Jerusalén, 'a stojlal 'aj tzq'uel c'u. 'Oj jat snan̈l jun tzaln cha, ax yochcn niwn pan̈nil, tzchaj cot 'a stojlal 'aj tzq'uel c'u, masnto tzc'och 'a stojlal 'aj tz'em c'u. Spacl jun tzaln chi 'oj 'atcn 'a stojlal norte, ax junx spacul, ata 'oj 'atcn 'a stojlal sur.

Mr 13:3

Xlajw cha, x'at eb' 'a tzaln Olivo, 'a yojltac 'at yatut Dios. Ata x'em wocn Jesús, ax Pedro, Jacobo, Juan, yet' Andrés, sch'ocj eb' 'ayc' yet'oc. 'Ix sc'anb'n eb' 'ixtc 'a 'a:

A Ch'an̈ Schab'l Libro Samuel 15:30

Ax David, 'ix yij 'el xan̈ab', sb'a'n sjolom, caw ji'jmtac yoq'ui yic 'ix q'ue 'a lum stzalnil olivo; 'ixta xyutj sch'oxn 'eli to 'ay scusc'ojlal. 'Ixta pax smasnil eb' 'anma ajun yet' cha, 'ix laj sb'ac' eb' sjolom, caw ji'jmtac yoc' eb' yic xq'ue eb' 'a lum tzaln cha.

Mr 11:2

'Ix yaln 'a eb' 'ixtic: —'Ixquec 'a jun aldea 'a cojltac 'at tic. A yic 'oj e c'och ta', 'oj 'ilchjoc jun no quelm b'uru eyu'uj, pixn can ta'. A no cha, mant 'a xon mach tzq'ue 'a yib'n̈ no'. Tze jiy 'elta, tzeyi'n cot no'.