Mr 10:34 - Chuj San Sebastian Bible

³⁴ 'Oj in sb'uch eb', 'oj in smac' eb', 'oj in stzub'c eb'. 'Oj in smiln eb', palta ax 'a schab'jial, ax in pitzw paxi, xchi 'a eb'.

Chuj San Mateo Bible

³⁴ Ol in sb'uch eb'. Ol in smac'an eb'. Ol in stzub'ej eb'. Ol in smilancham eb'. Palta axo d'a schab'jial ol in pitzvocxi, xchi Jesús d'a eb'.

Mr 10:34 Referans Kwoze

Mr 14:65

Xlajw cha, 'ay eb' stzub'n 'och stzub' 'a 'a, 'ix smac eb' sat, tzma'n eb', tzc'anb'n eb' 'ixtc 'a 'a: —Al 'ayn̈ on̈ ¿mach tzach ma'n tzab'i? xchi eb'. —Xlajw cha, ax eb' policía 'ix ma'n wal si'mb'il.

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

1 Co 15:4

'Ix mucxi, palta 'ix pitzw pax 'a schab'jial, 'icha yaj stz'ib'x can cha.

Jn 2:10

'Ix yaln win 'a win 'ixtic: —A sley eb' 'anma', a jun yal uva wach', a tzyac' eb' 'u'xoc b'ab'el. Ax 'a slajub', a jun yal uva tzyal wal yu'xi, a tzyac' eb'. Palta ach tic, xa mol jun yal uva wach'. Ax ticnec wanto a'n 'elt 'u'xoc, xchi win tz'a'n cuenta cha.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Lc 23:11

Yuj cha, ax win Herodes cha, yet' eb' soldado winac, caw xb'ajwj eb' 'a Jesús. 'Ix laj b'uchwj pax eb' 'a 'a. 'Ix stz'acn eb' ya'ch jun tzo'n̈ pichl caw wach' yilx 'a 'a, 'icha yic eb' rey. Xlajw cha, xya'n pax 'at win 'a win Pilato.

Mr 14:63

Yuj cha, ax win yajl cha, caw 'ix stziljat cob' win spichl scot yowal, 'ix yaln winac: —Man̈x 'a tz'och eb' tzat 'a'n queja Jesús tic.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Salmos 22:13

Tz'el yaw eb' 'icha no león caw ow, c'awn sti eb' tzcot eb' 'ayin.

Job 30:10

Caw wal tzin syaj eb', yuj cha tz'el eb' 'a in tz'ey, tzlaj tzub'n 'och eb' 'a in sat.

Mt 27:63

'ix yaln ewin 'ixtic: —Ach cajlil on̈, cojc on̈ yic pitznto win 'a'm 'es cha, yaln can 'ixtic: Schab'jil in chami ax in pitzw paxi, xchi cob' winac.

Mr 9:31

yujto wan scuywj 'a eb' scuywum. 'Ix yaln 'a eb' 'ixtic: —An tic wach'xam 'Ochnc in 'Anma'il, palta 'oj wajx 'och 'a yol sc'ab' jun tzo'n̈ winac, 'oj in smil cham eb', ax 'a schab'jial ax in pitzw paxi, xchi 'a eb'.